公司附近有間鯛魚湯拉麵係大阪人氣店今日滿心期待地咁諗住同同事去試下12:15左右到,排左幾分鐘有位三個都叫左signature嘅鯛白湯$138碗,唔平,唔係我隻愛股一朝升左10%我都未必想去食lol鯛白湯拉麵—HK$138 係我好爭扎鯛白湯好定清湯好時碗麵已經到左,我地加多左兩隻溏心蛋 麵質OK,好彈,彈到我成身都係幼身煙韌又掛到湯,唔錯。麵上的一片薄薄叉燒非常軟身好食好似食緊5成熟的薄牛肉切片咁嫩,質感滑嫩。筍乾切成○▽ 形,厚身無渣有驚喜。上面還有洋蔥、灸燒過的鯛魚肉碎,非常之香。 去到呢個位我都仲覺得OK但一飲個湯就知瀨野!!柚子醬係碗邊,相信係提鮮同食到中段中和過濃的魚味‥‥但唔好以為我讚緊佢我覺得佢個湯真心出事:好腥!一行三人都覺得腥。我仲係食慣魚生、刺身、飲魚湯大,都覺得好腥!之前我係德島食的海膽鳴門鯛魚湯拉麵同樣creamy但絕無腥味其實魚味同腥味真係只差一線最後我們三個竟然要去買杯水果茶沖左陣腥味‥‥我覺得真係最大敗筆。 ○de▽ 鯛白湯らーめん 地址:中環鴨巴甸街13號