原文連結:TraveLa日本自由行 去關西大家多數都會去餵鹿仔,賞櫻會去大阪城‥‥‥但成日去都會悶掛,想去下新景點?咁就啱晒喇!TraveLa發掘左大阪狹山市多個景點,包括可以餵松鼠嘅公園「市民ふれあいの里」、豪華嘅錢湯「虹の湯」、賞櫻名所狹山池公園、日本建築大師作品狹山池博物館 同 自家烘焙可愛咖啡拉花圖案Cafe,夠你玩足成日! 同屬大阪府嘅狹山市((日文:狭山市)雖然算係近郊,其實唔係距離大阪市中心好遠架咋,由難波搭去北野田或大阪狭山市只需要23分鐘,來回加埋都唔洗一個鐘,玩完晚上仲可以返心齋橋Shopping。 餵松鼠嘅公園「市民ふれあいの里」 今次呢個推介係有少少私心嘅‥‥‥因為小編本身好鐘意松鼠,平時係香港有幾何見到松鼠丫(小編仲停留係細個讀書果時係動植物公園度望上樹上‥‥)。大家都知松鼠跑得又快,根本冇咩可能接觸到‥‥‥市民ふれあいの里內有個松鼠園(リス園)呢個場係任餵唔嬲,見到佢地食咁食食食個嘴翁下翁下真係Q到暈 ~ 市民ふれあいの里入口 松鼠園入口 入口可以買到向日葵籽同手套,始終松鼠都有好尖嘅爪,都係用手套好D。 松鼠園中間有D屋仔,圍住都會有木條欄杆俾佢地行黎行去~ 一地都係松鼠呀! 佢地都見慣人類架喇,有D唔怕醜嘅仲會爬上身,不過如果你摸佢佢都係會驚驚逃走架。 想佢地湧埋黎最好就係早上去喇,佢地一早就肚仔餓要搵日食架~ 除左餵松鼠之外,呢度仲有得BBQ,簡單嘅遊樂設施,賞花呀等等。 點擊圖片放大 豪華錢湯「虹の湯」 去完餵松鼠,狹山市附近都有錢湯可以俾你relax下,錢湯即係公共澡堂,但唔講唔知,原來依家有好多錢湯都裝修到好靚,仲會分埋唔同主題,有D會以以健康同美容為主題,又有D附有娛樂設施,一句講晒,More than沖涼。 以堺市為中心嘅大阪南部,可以話係豪華錢湯嘅激戰區,近年重新再豪裝嘅錢湯都唔少,例如呢間由松鼠園步行15分鐘就到嘅「虹の湯 大阪狭山店」已經改建左升格為Spa Resort,展望風呂就可以見到一排蛋形嘅獨立蛋形炭酸泉浴池俾你慢慢浸,呢D蛋形嘅洛池全部都係日本著明陶燒之一嘅信樂燒黎架,附合人體工學,前面仲有一個,全部都係對住個石景同小瀑布,非常療愈呀! 泉水係採用鹼性天然溫泉泉水,聲稱可以舒緩關節痛、神經痛、肌肉痛、五十肩、慢性消化系統疾病,可以舒緩疲勞,啱晒打工仔。除左大浴場,仲有促進血液循環嘅岩盤浴、桑拿、美泡湯、採用高級備長炭釋放負離子嘅水風呂、電器風呂等等一共7種。 如果驚太open怕醜嘅都仲有室內浴場同8種唔同嘅私人風呂,而且仲連埋房間俾你休息,時間為60分鐘起,費用由3200円起)。 虹之湯係連鎖式嘅集團,所以經營方面都相當有心思。Resort內設有髮型屋、Massage同餐廳,務求令可以係入面渡過大半日。當中最令人意想唔到嘅係入面嘅餐廳「旬菜 花樁」竟然可以食到米芝蓮推介嘅京都料理旅館 高台寺 よ志のや嘅主廚監督嘅菜餚,真係最嘆嘅享受。 「旬菜 花椿」提供蕎麥麵、魚生飯、丼飯等等嘅料理定食,800-1200円左右。想食好少少,仲有各種會席料理同御膳,由1400~3200円起,其他野食有壽司、洋食、炸物、甜品等,價錢都好合理。 京籠御膳(きょうかごごぜん) 1880円 朱雀御膳(すざくごぜん) 1680円 ねね御膳 2000円 賞櫻名所狹山池公園 如果唔想去浸浴,搭2個站就可以到大阪狭山市站。大阪狭山市站有最古老的水庫式蓄水池「狹山池」,可能大家都有D印象,上年黃色鴨仔就係放係果度,雖然今年冇左,但都狹山池公園本身就係當地嘅賞櫻勝地,非常值得一到。 入選日本歴史公園100選嘅狹山池公園,堤防兩邊種落好多唔同種類嘅花。狹山池公園係賞櫻名所之一,種植左1400棵櫻花樹。每年3月下旬~4月下旬都係櫻花盛開期(視乎天氣啦),出奇地唔算太多人,係青綠色嘅草地上野餐都係相當唔錯嘅選擇。 日本一代建築大師作品—狹山池博物館 狹山池公園北邊嘅狹山池博物館(日:狭山池博物館)係日本一代建築大師安藤忠雄嘅作品,免費入場,唔曉建築嘅你,見到狹山池博物館的轉角、樓梯,你都絕對會感受到咩叫藝術。 博物館前面嘅廣場,可以見到兩棟長方形建物倒映係池面。兩邊用絲絲水瀑布製造的牆面,十分利落。 點擊圖片放大 +2 每一個角度都可以呈現出安藤忠雄嘅作品的美感。 小編就真係唔識建築,館內就有介紹狹山池嘅作用,而且內裡用左唔少建築元素去呈現,例如呢個巨型嘅斷面遺跡,將局部狹山池北區防波堤嘅斷面遺跡搬入館內,充分呈現1400年前日本古代偉大水利工程宏偉及智慧,直到今日仍然係大阪府最大嘅水庫,蓄水量達280萬立方公尺。 自家烘焙可愛咖啡拉花圖案Cafe 行完博物館,可以去附近嘅自家焙煎工房Cafe littleisland度High Tea。自家焙煎工房Cafe littleisland外表成間民居咁,要細心睇下先搵到‥‥‥ 呢間Cafe特別在佢地嘅咖啡拉花真係超可愛!費用由380円起,但就有10種拉花圖案配合唔同自家焙煎嘅咖啡。 點擊圖片放大 +2 除左咖啡,亦都有Cupcake、Muffin、Toast、蛋糕之類。 點擊圖片放大 來回都唔洗一個鐘嘅狹山市好適合作為大阪自由行一日遊嘅旅遊點,集合多個景點於一身,景點同景點之間亦都非常之近,TraveLa誠意推介俾大家。 更多: ★ 米芝蓮一星.吉富壽司>>> ★ 4G無限流量 日本機場取機還機蛋:http://bit.ly/2lj9j1F ★ TraveLa讀者優惠720yen/日(8折):http://bit.ly/2jTnYe8 即上TraveLa.hk 瀏覽更多日本自由行資訊啦 市民ふれあいの里 網站:http://www.city.osakasayama.osaka.jp/yokumirareru/1444983729855.html 地址:大阪府大阪狭山市東野東1-32-2 電話: 072-366-1616 營業時間:09時00分 ~ 17時00分(5月~8月營業至19:00) 定休日:年末年始 (12/29~1/5) 大人入場費用:200円(飼料費用100円) 交通:市循環巴士「ふれあいの里バス停」落車 虹の湯 大阪狭山店 網站:http://nijinoyu.jp/sayama/ 地址:大阪府大阪狭山市東野西2丁目837 電話:072-365-4126 定休日:年中無休 ※設有因為維修的休館日 營業時間:平日:10:00〜翌1:00 (星期六日及公眾假期:8:00〜翌日1:00) 料金:大人750円、小人370円、3歳以下100円 貸切風呂:60分 3,200円 交通:市民ふれあいの里步行15分鐘 狭山池公園 地址:大阪府大阪狭山市大字岩室 電話:072-366-0011(大阪狭山市公園緑地組) 入場費用:免費 交通:從南海電鐵「難波站」換乘南海高野線到「大阪狹山市站」下車後往西步行約5分鐘 狭山池博物館 網站:http://www.sayamaikehaku.osakasayama.osaka.jp/_opsm/ 地址:大阪府大阪狹山市池尻中2丁目 電話:072-367-8891 定休日:星期一(逢節假日改為次日)、歲末年初(12月28日~1月4日) 營業時間:10:00~17:00 (最遲入館時間:16:30) 入場費用:免費 交通:南海高野線「大阪狹山市站」下車後往西步行約10分鐘 自家焙煎工房カフェ リトルアイランド (littleisland)—狭山本店 地址:大阪府大阪狭山市狭山2-944-1 電話:090-1912-9808 營業時間:星期一至五 8:00~18:00 | 六・日・假期 7:00~18:00 定休日:不定休 交通:南海高野線 「大阪狭山市駅」下車後往西步行約3分鐘 預算:咖啡—380-450円 圖片來源:網絡及官網 TraveLa.hk 提供有關日本各地之吃、喝、玩、樂、住宿、交通等日本旅遊情報。更有手信、購物、wifi等資訊不定期更新,更設有代plan行程及旅遊管家服務。無論是最熱門的城市還是冷門的鄉郊,都希望可以帶給不一樣的資訊,令讀者可以計劃一個與別不同的日本旅行。 想成為你的旅伴,與你分享一切日本旅行的美好,細味旅行過後的餘韻。