由於我驚小型戲院會越閂越多所以呢幾次都會去比較小型嘅戲院咩百老匯會員半價就咪鬼理佢啦今日去嘅係位於北角匯嘅ACX戲院 以下評論只為個人感受 僅供參考戲院: ACX Cinemas 北角匯 (2院)地址: 北角渣華道 123號北角匯2期2樓 211 - 213號鋪電影: 我要做特務 (廣東話)場次: 03/06/2021 13:25價錢: HKD 50(學生) (正價HKD90)評分: 8.4/10ＣＰ: 3.73 (中高)(CP值只供參考 範圍:0.2-8, 平均3.2)門面設計由門口就見到 入面係科幻藍嘅主題 成個院都係藍色燈光不過其實好殘眼 我填個咩表果時都睇到我頭暈 售票處正門就係 上面寫住曬有咩戲睇同個場次比較特別係用院嚟分場次 唔係用電影 小食部封左過唔到去 離場先經過到 相信從來未整過嘢食 預告螢幕起扶手電梯上嚟果個位 比較細個 好似好耐冇見到個預告螢幕 入場口其實就起售票處隔離 洗手間起離場出口果邊 乾淨清潔只係藍光搞到我眼花 差D撞到塊鏡而且廁所入面放電影海報… 裝修設計二院係除VIP院外最細嘅院牆身用蜂巢六角形裝飾 螢幕聲音起得4排嘅院嚟講好大個 (起碼大過Cinema City柴灣 大約Candy Park大小)清晰度差唔多 都算十分好 我懷疑係電影問題聲音嚟講 呢套戲麻麻 不過因為隔音唔得 隔離D重低音都傳曬過嚟所以估計聲音其實好好 只係隔音唔好 所以打和啦super 座位真皮梳化座位 只係普通院 超舒服 正過我屋企張梳化 贏曬隔離VIP院聽聞係按摩椅 (所以播前廣告有播張按摩椅)我宣佈ACX戲院嘅座位係全港戲院中最好嘅 電影本來係打算睇「我的印度男友」不過臨買飛果時有人宣傳我睇佢地套戲 其實就係導演同女主角等人呢場好似係非首映嘅首場 所以我就買嚟睇下 反正睇完預告片都有興趣順帶一提資料顯示一日淨播3場 另外一間有播係Cinema City Victoria既然佢地肯出嚟宣傳 咁就去試睇下啦電影 我要做特務 一開場就開宗名義講夢想然而結局又變成要放棄不切實際嘅夢想?其實個主題係 夢想未必成真 但總會成就一點事情呢個位劇本表達滿分 十分能帶出主題愛情動作喜劇都算差唔多齊曬 分佈篇幅都合理 小品電影可以接受影片總結雖然成間戲院好細 D藍光又整到我唔舒服不過場內設備十分高級 由其座位 所以評分幾高 極想去多幾次戲院評分: 總分: 8.4/10 舖面: 8/10 設計: 8/10廁所: 9/10小食部: 8/10預告電視: 4/10 院內: 8.9/10 裝修: 4.5/5屏幕: 4.5/5座位: 5/5斜度: 4.5/5畫面: 4/5聲音: 4/5 軟件: 6/10 價錢: 3/10電影: 5/10
