今日去離我最近嘅戲院 MCL Movie Town 以下評論只為個人感受 僅供參考戲院: MCL MOVIE TOWN - 新城市廣場 (6院) [2](Onyx 5院)地址: 新界沙田新城市廣場第1期L1、L2及L3樓層電影: [1]反轉三國志 (日語) [2]古魯家族2：霸器新時代 (粵語)場次: [1] 29/03/2021 13:40 [2] 02/04/2021 11:55價錢: [1] HKD 40(學生) [2] HKD 60(學生) (正價HKD90)評分: 6.3/10ＣＰ: 2.8 (中下)(CP值只供參考 範圍:0.2-8, 平均3.2)門面設計由外面睇戲院大樓 好似比較正常不過冇人會由呢邊入去 都係會經商場入去而商場就要由2樓行好長嘅通道先到 都幾偏僻下 自助售票處起未入到單一通道嘅果個位 轉返個靚彎 (詳細睇牌仔啦)就會見到一排隱蔽嘅取票機 基本上係冇咩人會用嘅 售票處行到盡頭 就會見到售票處 冇咩特別跳過隔離係扶手電梯落1-6院入場口 7院起另一到陣間講 預告螢幕 等候區起入場口上面 夠大個只係小小高 要抬頭睇不過就可以多人一齊睇出面戶外仲有一個 同時比人出面等入場 只係好熱唔想出 小食部 入場口(1-6院)起正隔離 宜家小食部改做入場登記上面都有寫邊個院入得 入場口(7院MX4D)起原建築嘅正上方有個院 只要行返入去售票處嘅路相反方向上扶手電梯再向新城市三期行去 臨過橋前就會見到MX4D院入場口就起呢邊 裝修設計[1]六院係個中大型院 成個院呈紅色設計牆身其實係戲院標誌個面具[2]下段連螢幕講 螢幕聲音[1]螢幕大個 不過偏左邊 應該係右邊夾硬加位所致都算清晰 聲音都唔錯[2]都係好大個 Onyx螢幕特色係黑位真係夠黑 由影落去完全搵唔到個螢幕位置就知道呢個好少地方有嘅螢幕我比滿分 清晰度超高清 坐最側邊都冇攰感 座位[1]座位有D硬 扶手可以拉上 斜度都夠[2]同上 只係冇咁硬 電影[1]反轉三國誌 日式笑片 改編自中華民族三國時代內容一直拖 好似想拖夠2個鐘咁 故事一直跳 中間銜接得麻麻只係中文字幕十分傳神貼地 同原本上映果個月嘅時事都有起到雖然意思可能同原文唔同 不過係將日本人先明嘅gag改到香港人明電影本身好悶 不過用學生價睇字幕十分值得[2]古魯家族2：霸器新時代卡通片 幾得意 講家族要一齊? 主旨冇特別 係幾普通嘅電影總結Movie Town 空間比較細 設施好似自助售票處都比較分散甚至入場仲要分2個位 可見設計對顧客比較唔友好[1]場內都係幾標準嘅設備 冇咩好講 只係個螢幕側埋一邊要扣少少分[2]Onyx螢幕正好多 其他照舊影片戲院評分: 總分: 6.3/10 舖面: 5/10 設計: 3/10廁所: 6/10小食部: 5/10預告電視: 7/10 院內: 7.5/10 裝修: 3/5屏幕: 4/5座位: 3.5/5斜度: 4.5/5畫面: 4/5聲音: 3.5/5 軟件: 6/10 價錢: 3/10電影: [1] 3/10 [2] 6/10
