今日去位於九龍灣Megabox嘅UA戲院 以下評論只為個人感受 只作參考戲院: UA Megabox (4院)地址: 九龍灣宏照道38號, MegaBox, Level 11電影: 決戰非常外公(英語) (台譯 阿公當家)場次: 08/11/2020 14:45價錢: HKD 50 (學生) (正價HKD 70)評分: 6/10ＣＰ: 3(CP值只供參考 範圍:0.2-8, 平均3.5) 售票處上左一段扶手電梯之後就到戲院門口就量體溫 後面就係售票處整體係金嘅星空色 配隔離溜冰場開放式啱啱好 小食部在旁邊就係小食部 依然沒開 預告屏幕小食部上面疑似係 不過我唔當係 入場口就係入場口 前面有等候空間 有寫邊個院入得 裝修設計空間唔算大 側邊有射燈畫有UA標誌 屏幕聲音由座位要趷(gat6)高個頭睇個屏幕 攰死我條頸 當時已經係尾二果行咁樣望個幾鐘我條頸好快不舉畫面同聲音就好ok嘅 座位UA嘅墨綠色座椅 後面塊墊有D硬不過都可以挨向後面 只係挨極都唔夠水平視線睇個mon囉另外係雙人座 可以情侶一齊睇戲 突然鬧交都可以放扶手落嚟 (然而我得自己一個睇 下刪…字下面會有)另外仲有正方形嘅枱 取代冇左水樽位 非疫情期間可以起合作餐廳買嘢入嚟食旁邊仲有USB充電位 可以自己帶線差 都算快 電影 決戰非常外公美式笑片 不過就如網上影評一樣 笑點幾Old school下查資料時發現本電影起美國係負皮居多 原因係劇情唔合理太誇張我自己就覺得笑片誇張D都係好正常 冇咩問題要講唔合理上星期個老豆死開一陣先更加唔合理個人抱怨(可無視)星期日去睇戲真係好多人 本身去到Megabox見到咁多人就知瀨左嘢(來回都冇搭shuttle 因為去程巴士107到Megabox樓下 回程太多人等車決定行路)上到戲院本身都冇咩事 直至買飛先發現中間位置已經賣曬飛 就咁走左去就成個星期冇得睇戲兼好樣衰 唯有揀個尾2行左邊第二個位 第四個位有人 直覺入面會係雙人位所以避開左第三個位 好彩比我估中左(賣飛果到2-2排已經好明顯)買完等到差唔多開場入得就好多人行過嚟等入場 連影嘅時間都唔比我入到去唯有快快手影2張 而由於我坐左邊2位 走廊一定要左邊入同行嘅人就會一直見到我單丁坐左起到 仲未計前後排 基本上係公開處刑大概數人數果時又見個個都係3-2個人行入嚟 得我自己一個係單丁自己一個人睇戲我習慣曬 不過一個人 咁多人一個場一齊睇 仲要加埋咁多天時地利人和 令我真係情何以堪囉 坐起到比人笑咁其實又唔係抱怨D咩嚟 只係想呻下啫 打咁多字都夠放高登討論區了(不過我拒絕.jpg)結論係 開放徵女友 本人20歲求18-20歲女性 星期日乖乖地吽起屋企做宅男好啦 平日先好出嚟睇戲 或者唔好去睇笑片 上次星期日尖沙咀睇信用欺詐師JP一個人都冇咁老尷 (估計係因為個場大D 坐得入D)(陣間就比人話 宜家單身有罪呀叫人唔好星期日睇戲XDD)總結戲院外面設計好好 入面除左個屏幕過高外冇咩大問題可挑剔 影片戲院評分: 總分: 6/10 舖面: 8/10 設計: 8/10廁所: -/10(冇入不評分)預告電視: -/10 院內: 4/10 裝修: 3/5屏幕: 1/5座位: 4.5/5斜度: 2.5/5畫面: 4/5聲音: 4/5 軟件: 7/10 價錢: 5/10電影: 4/10
