老子有錢 去貴場睇戲去尖沙咀The ONE百老匯 以下評論只為個人感受 僅供參考戲院: 百老匯The ONE (5院)地址: 尖沙咀彌敦道100號The ONE, 6-11/F電影: 信用欺詐師JP 公主篇 (日語)場次: 25/10/2020 15:25價錢: HKD 52(會員) (正價HKD105)評分: 7.3/10ＣＰ: 2.74(CP值只供參考 範圍:0.2-8, 平均3.5) 戲院在6樓購票 由G出發經UG1 2 1-6F搭扶手電梯要搭8次先到 建議搭升降機轉了十萬次終於到6樓 售票處起到 後面係1 2院入口左邊係場次資料 右邊係小食部點擊圖片放大 貌似小食部得呢層有 如果買嘢食入5/6院就加油啦 攞住上4層或者可能冇疫情上面都有臨時小食部所以上去了 8樓查票及等候區 都幾闊下 同樓上比 10樓入場 5 6院 冇影入面因為都幾多人見查票就知入面幾大啦 廁所清潔 入場 好大個院下 最前面有個台要行幾級 我坐到幾後下 不過屏幕都夠大 所以都冇咩問題而且都好清 聲音都可以 斜度就ok啦一般般 可能我變矮左(?)牆上面D古典燈好有氣氛下 凳係少見D嘅杏色 比軟軟 躺後角度大 都好舒服下 最後到電影 睇信用欺詐師JP 公主篇 上次香港篇果時上映場次比較少我都要去到電影中心先有得睇 今次反而好多戲院都有播估計主要原因都係演員三浦春馬及竹內結子離世 呢部成為遺作我睇嘅原因就係因為上次睇左香港篇想睇埋今次 畢竟本人冇咩研究演員(呢句好似怪怪地?)劇情寫得比上次香港篇更好 冇咩冷場 最後香港造嘅反轉好正(預告都有提架)真心推薦鍾意睇劇情片嘅可以睇下 雖然拖左咁耐應該落左畫 戲院總結 院外分層一直轉真係好煩 不過場地所限都冇辦法唔怪得佢入場後都冇咩好挑剔 雖然都係冇寫邊個院入得 不過一層得2個院就是旦啦價錢過百就真係貴左D 如果尖沙咀想平可以考慮下附近英皇 戲院評分: 總分: 7.3/10 舖面: 6/10 設計: 4/10廁所: 9/10預告電視: -/10 院內: 8/10 裝修: 4/5屏幕: 4/5座位: 3.5/5斜度: 2.5/5畫面: 4.5/5聲音: 4/5 軟件: 5/10 價錢: 0.5/10電影: 8/10
