今日嚟嘅係香港唯二傳統戲院 寶石戲院 戲院: 寶石戲院(-院)地址: 紅磡寶其利街2J號電影: 天能TENET (英語)場次: 14/09/2020 12:50價錢: HKD55 (正價)評分: 比較: 3.3/10單獨計賣點傳統: 6.3/10CP: 1.98(CP值只供參考 範圍:0.2-8, 平均3.2) 介紹前先講下呢間戲院有咩特別值得去 (非廣告 唔信就飛左呢段佢)特別到要分開2個評分系統 廢事一睇完評分即刻唔想去首先 佢係到宜家唯一一間仲係人手劃位嘅戲院所以你一定要即場買飛 現時仲有呢個系統就當然要去體驗下啦第二就係入面有好多香港舊時電影業嘅一部分物品器材當然要去香港電影資料館我都阻唔到你 不過去部機以前嘅地方會更加感同身受囉 物品器材陣間再介紹如果真係淨係想睇戲 呢到戲飛價錢只係5字頭 只係比長沙灣2間戲院平時價貴10幾蚊 要平的話呢到都好 由其今次套天能果2間戲院都加到55同75蚊添 上面太廣告feel 都係落返戲院介紹啦 有興趣再去都得 首先係個入口 一嚟就先3圖有部舊小小放映機起到展示 舊小小因為上面有部更舊另外仲有個磅重機 應該有人會知舊嘢 當日維修中用唔到(不過我一年前已經嚟過兼玩埋部機)點擊圖片放大 一大條樓梯上2樓大堂售票處 唔清楚有冇升降機 建議需要先打去問 大堂售票處 十分街坊feel 後面係入場口 售票處對面本身係小食部 只係宜家場內唔食得嘢所以冇埋 得返雪櫃 大堂另一邊有一堆裝飾類 即係過往嘅物品首先有更舊嘅放映機同Ironman模型 一堆以前電影poster 下面仲有以前用過嘅物品點擊圖片放大 然後呢個係劃位張紙 同埋戲飛 2樣都好有傳統特色 然後入場了 入面都好舊式feel 屏幕中等大小 仲有個台可以做event畫質良好 比我嚟之前想像嘅「街坊戲院」屏幕好好多順便講埋音響 唔知係電影定設備原因 十分正 座椅方面 太傳統 個頭冇嘢靠住 軟就一般 前後距離又細 只可以話比木凳同企住好囉 建議坐頭3行應該會臨場感好D 屏幕先會起正前方 最後到電影 真係幾燒腦 不過係好睇嘅 拍得好正不過到宜家都諗唔到到底時間逆行咁D過去嘅嘢又係點清呢 唔清咁當初興建果時又係點會有舊嘢起到呢 個腦又開始出煙了都係唔好諗住 仲未寫完個blog 總結間戲院 想去懷舊傳統嘅戲院 或者想慳錢唔想睇咁貴嘅都可以嚟呢間戲院如果嚟參觀唔睇戲就記得留返D錢起到 買支嘢飲咁 始終人地都係做生意嘅 戲院評分: 總分: 3.3/10 (與大眾化戲院比較,單獨計賣點傳統: 6.3/10) 舖面: 3/10 設計: 4/10廁所: 5/10預告電視: -/10 院內: 3/10 裝修: 2/5屏幕: 3/5座位: 1/5斜度: 3/5畫面: 4/5聲音: 4.5/5 軟件: 4/10 價錢: 8/10電影: 8/10
