上個週末,我地行程好豐富XD 首先, 去左澳牛食左個brunch~~而家澳牛係咪其實幾多點去都係要排長龍架??? 食完個滑滑炒蛋多, 同埋個滑滑白色~ 見仲有時間, 我地去左九龍灣單車公園!! 依個公園人少少, 我會另文推介!! 踩完一輪單車~ 我地就去左Steam Academy 既 Microbit班! 可能係遺傳關係, 哥哥體內一直流著毒男DNA (噗滋~) 好啦~ 流著電子科技既DNA! 所有有關電腦既野, 佢都有興趣! 契媽知道有試堂,叫我地去玩下,於是我地就唸都唔洗唸,一於去上堂! 課室係九龍灣~ 地點都方便,而且好新好乾淨! 仲有幅好靚好靚既星河牆!(好啦!我離題!但我真係好鍾意)課堂屬於小班教學,每班都係8-10人,而且一人一機,唔洗share, 唔洗驚試唔到,或者進度跟唔到冇人理! 阿sir好細心咁step by step教, 我開頭仲驚阿哥哥跟唔上(因為佢未夠歲數上架其實), 但因為阿Sir 講得清楚易明,哥哥一開始已經跟到D Step, 玩得好開心! 課堂學左四個簡單編程小遊戲: 1)花名牌 2)閃閃心 3)笑逐顏開 4)猜皇帝 哥哥好enjoy呀!Microbit個程式都好易用,簡單地將個指令拉來拉去就得, 免卻左打字~小朋友可以集中係邏輯上學習;而且成果一下子就見到,滿足感、成功感UP!! 大大提升佢地學習既興趣~ 成程試堂, 家長都可以坐係旁邊旁聽!依個我認為值得一贊! 因為出面好多興趣班都係放左個細路入去, 一個鐘之後返來接返~ 問佢好唔好玩? 好玩~ 學左D咩呀? 唔記得lu~~ 更何況依D新科技野,我個年代都唔係學依D既~ 我個年代係學圖龜LOGO架麻(80後揮手區)俾我安安靜靜係側邊旁聽,除左可以幫手學下睇下仔,仲可以填補下兩代之間既鴻溝!(握拳拭淚)第時,阿仔放學返來,起碼我聽得明佢大約講咩呀~~~~~ 上完堂,哥哥即刻要我報名呀!可想而知佢幾咁鍾意!! 自己開口要報名可以話係史上第一次!!大家如果都有興趣,我今次呀~~ 見習媽媽讀者有免費試堂呀!! 有免費試堂呀!!有免費試堂呀!!(重要事情講三次) 快D inbox 我報名啦! 另外, Steam Academy 仲有有教寫apps, 同遲下會新開教AI 班同科學班, 服務主要係小學至初中學生,而科學班會有幼兒組(4-5歲)~ 想知多D, 可以去佢地Facebook page 或者 網址參考(http://steamacademy.hk/) 仲有! 我湊夠人數開班星期六下晝呀~~ 事關我想集中星期六上興趣班, 星期日休息日,family day~ 去草地碌下咁~~有意請留言呀!!