話咁快， 我又出左差啦！ 咁我又再次安排定節目，等等兩個寶有個充實既週末！ 爸爸好好！ 係我「唔痴家」依個特性上係非常配合～ 我成日都覺得，放假唔去街，好似浪費左個假期咁（同意請加1） 所以就算我唔係香港，只要安排左節目俾小朋友，佢都好願意1 VS 2 地帶佢地出去！ 盡量配合～ 多謝老公先!!! （我知你好架～） 我屋企有兩個lego迷， 兩個成日係屋企砌砌砌！ 早排睇電視廣告，見到duplo出左個火車set， 可以配合app玩！ 我自己都心心眼～ 又咁岩得咁喬～Lego 又話我知有個試玩依套火車既活動！ 我真係開心到彈起～～ 即刻報名！ 可惜呀！ 好野永遠冇我份！ 撞正我出差既日子，咁我唯有醒阿爸同佢地去！ 阿仔阿女都玩得好開心呀！ 我打facetime返屋企果時，訪問下佢地， 點知阿哥幾sweet 呀！ 哥：「媽咪，點解你飛都安排節目俾我地既？」 我：「係呀！想你地開心去玩麻，唔好係屋企咁悶麻～」 哥：「哦⋯⋯」 （我以為佢有咩意見唔滿意我既安排 ） 我：「做咩呀？ 唔好玩咩？」 哥：「唔係呀！好好玩呀！ 個度好玩好靚架！ 不過，如果你同埋我地一齊去會仲好玩囉！」 （媽媽表示完全溶化） 哥哥真係一個暖boy~~~~~~~ 活動當日Lego 好貼心， 安排左個導師係心理學家彭 sir同家長們分享陪玩心得，教家長們將小朋友心理教育方法融入左係親子玩樂中，佢話好多時大人陪小朋友玩可能都會欠缺耐性，例如砌路軌時一定要小朋友依照大人心中既有型式去砌，其實家長可以試下放手，得佢地自己想點就點，只係在旁觀察可能會有意想不到既效果~~~ 講返盒新野～～ 好好玩呀！！！原來可以用iPad Pair 架車自己控制，又有 action bricks ， 砌左係唔軌上面就可以將架車掉頭、入油、停車等等。我覺得好正呀！ 而家間間小學都話STEM! 其實我地細個邊有呀～～ 咩邏輯思維個d～～ 而家唔同啦！ 成個方向都講緊依D！ 所以，俾佢地細時開始接觸， 對佢地將來成長都有幫助！ 而且Lego 係依方面都落左好大功夫，由Lego 開始，一直都係幫小朋友一邊玩，一邊學習，訓練佢地創意同想像力。如果你個小朋友係 lego fans，我對依套玩具都好有信心推介！
