下星期就開學啦! 大家肉體上同精神上都準備好未? 本母表示面對久違的朝早6:00起身好沮喪-0- 但係咁,遲早都要面對,就鼓起勇氣同哥哥一齊打開新一頁啦! 今日就講下開學小食。 小學雞有一樣要習慣既就係自己零食自己準備。「冇姐姐派餅餅你食架啦!」 如果冇準備,就要用錢自己行落小食部買~ 小食部有咩好食先~ 健康極都係魚肉燒賣,魚蛋,動物餅同糖仔咁⋯⋯日日食你都咪話! 我呢~ 已經準備好~ 但作為一個懶媽,我係上網買,等佢送上門~ 而今次介紹既就係iHerb 買到既,一箱送來,滿額免運費! 咪方便囉依D!唔係廣告! 真心推介~ 1) 蘋果脆片 依個係我兩個寶既零食至愛排行榜既首席! 我依個係盒裝,一盒有12 包,獨立包裝。佢係用冷凍乾燥方式制成既富士蘋果片,又脆,咬落仲有好清甜既蘋果香,我都成日同個仔爭食!而且佢不含防腐劑、無添加糖、一包只有40卡路里,又健康又好味,可以放心俾小朋友食! 佢仲有其他水果可以選擇架,有梨、士多啤梨、都有綜合雜果咁⋯你地可以選擇自己喜歡的! 2)麥蘆卡蜜糖 on-the-go 如果你小朋友都有鼻敏感,咁你都一定聽過麥蘆卡蜜糖。據講可以提升身體免疫力,有益腸臟,仲可以幫助抗菌! 但食蜜糖最好就係就咁原羹食,含係口一陣再慢慢吞,如果沖水,有機會會破壞佢入面既活性成份,咁就冇咁好啦~有時喉嚨痛或者爛口,我都會就咁食蜜糖!好幫到手! 依隻麥蘆卡蜜糖係獨立包裝,一盒24包,一包岩岩好係大約5g,中間對摺就開到,可以慢慢啜! 佢KFactor 16, 而且超過75% Manuka Pollen Count, 又係我既有益零食推介! 3) 維他命C軟糖 邊個細路唔食糖呀? 面對現實啦媽媽,唯有選擇一D好D既糖佢地食。 依隻勁啦!勁大包!成50小包,一包幾粒仔! 佢裡面有維他命C, 少少地架咋,用真果汁做,Gluten-Free, 用木薯,玉米或大米提煉做成⋯無人造染料。我都放心俾佢地食, 不過都係間唔時一包! 呀!仲有度好就係! 開生日會做小禮物送俾小朋友都係一個好好既選擇呀!總之我就感覺良好過我地食左幾十年個隻熊仔糖啦! 4)米餅 係呀!係由BB開始牙痕食到大既米餅XDXD 佢又係獨立包裝,仲有唔同味選擇,不過,我個人都係喜歡原味⋯⋯(圖為芒果+奇異果味) 好啦!咩咁好呢? 咁佢又係有機啦,不含花生,美國農業部有機認證,不含麩質、牛奶、堅果和蛋類,無人工成分或防腐劑,法國國際生態認證中心(Ecocert SA)有機認證! 咁又係一個放心之選啦! 5)鷹嘴豆脆條 依個又係正,不過其實總之脆既,小朋友都鐘意架啦!鷹嘴豆,也稱作雞豆,好多時沙律都會加,係營養豐富既蔬菜。一盒5 包,每包脆條都含有75%以上的蔬菜,咁又係獨立包裝啦,有機,仲加左芝士,我仔至愛! 好嘞!介紹住咁多先! 都夠食一個學期啦掛? 哈哈! 提一提,iHerb購物滿額免運費, 可以用DHL或順豐, 大家俾錢前,留意下免運費未喎, 多數$3XX就free 架啦!自己醒爬啦! Happy shopping! #iherb又係另一個購物黑洞 #自己睇路啦施主 ================================ ♥♥♥見習媽媽湊仔blog開左啦♥♥♥♥埋來睇下啦! https://traineemami.wixsite.com/blog ♦Back to School 好味健康小食推介https://goo.gl/7AfqfD ♦秘撈媽媽同樂會。網購敗家推介 https://goo.gl/mFdXVG