我呢～～ 又出左差啦！ 我唔係香港依兩星期，為免爸爸唸唔到帶佢地去邊玩，係屋企又悶～ 所以我走之前已經安排好活動俾佢地！ 又學到野又好玩！ 而且！ 仲$1都唔洗！ 係咪好貼心呢 兩年前T-Park 開既時候，我已經好想去玩！ 但係！ 實在 太！ 難！ Book! 每次click 入booking 個頁，全部weekend 都係滿！ 仲難過買iphone呀大佬！ 但我努力不懈，唔放棄～時不時就click入去睇下有冇位～ 試左幾年（笑） 我見到佢有特備節目：【Summer Party 源 · 夏派對】肥皂工作坊！ 我即刻唔理三七廿一！ 報名！！！ 我冇份玩，爸爸send 返相俾我睇，佢兩父子都過左一個非常愉快既一日呀！ 妹妹呢？ 因為workshop要5歲以上小朋友先可以參加，所以，妹妹跟左阿婆婆去食小籠包 （有圖有真相） 肥皂工作坊 佢地安排二人一組用冷製方式製作番梘，同我平時打梘唔同。冷製手法主要係用皂基磨碎，再加入其他材料/精油之類做成，過程之中就唔洗用氫氧化鈉依D對小朋友比較危險既材料（因為加入氫氧化鈉時會產生熱力同氣味），所以用冷壓方式，佢地就玩得放心好多啦！ 手工梘可以將材料的養份好好保留，當中的天然甘油成份是皮膚的最佳保濕劑。 佢地仲將製成品拎返屋企同妹妹分享！ 補返賣甩佢個條數♥ 源·區導覽 參加左活動，佢地會有埋導覽，參觀依座設施，仲有專人講解！ 由於我又冇份去既關係，以下係我報名前做既一D資料搜集： 源·區其實係一個好特別既環保建設，佢係一個污泥處理設施，一個環境教育中心，又係一個適合一家大細既休閒好地方 所謂污泥，就係污水處理過程後剩下的半固體殘餘物， 香港每日製造接近 300 萬立方米的污水！ 產生既污泥就多達1200公噸！ 而源區依個設施就係可以接收污泥， 然後處理同焚化依D污泥，再用來發電真正轉廢為能～ 焚燒之後既污泥，會經過處理先排放，體積會減少90%，有助減輕我地堆填區既負荷！ 源·泉 依個係我最想玩既地方！ 亦係源區長期爆滿既原因！ 係SPA呀媽咪! 污泥焚化過程中產生的熱力，可以為水療池水加熱 ♨️ 參加者可以體驗熱水、温水和冷水的水療池， 一邊浸， 一邊眺望后海灣一望無際的海景，係幾咁relax 同正呢～～ 但留意返！ 依個係SPA，唔係泳池呀～ 係唔可以帶埋泳鏡呀，水泡呀，水槍呀個D入去玩架～ 入spa池， 只需要簡簡單單，帶個人，靜靜咁enjoy下，放鬆身心 ❤️ 玩完三個活動，其實都成日架啦！爸爸話非常充實有意義！ 所以係咁叫我介紹俾大家！ 今個暑假，留意住有咩活動啦！ 我下次一定要有份去！ Ps. 爸爸話源·茶 cafe D野都好好味～～一定會再去咁話 T PARK 源 區 官方網頁：www.tpark.hk 查詢電話：2803 0991（工作坊熱線） 袁小姐 / 2910 9700（T·PARK [源·區] 熱線） 電郵：tcommunity@tpark.hk #源區分享 #社區營造 #永續環保 #綠色設計 #源區 #源社 ================================ ◊♦◊♦久休復出第一彈 Jumpin Gym好學生遊‧學之旅 https://traineemami.wixsite.com/…/久休復出第一彈-jumpin-gym好學生遊-學之旅 ◊♦◊♦秘撈媽媽同樂會。網購敗家推介 https://traineemami.wixsite.com/blog/home/秘撈媽媽同樂會
