Plan 咗好耐嘅麗北遊 ( 游 ) 終於都響今年成行喇 , 好期待 ! 點解會去 Koh Lipe ? 話說響年幾兩年前 ( 應該係 ) , 我見一本旅遊雜誌送嘅一本書仔介紹去梳乎嘅旅遊點 .. 響 7 仔揭咗幾頁 , 俾個小島吸引住 , 於是我就買咗本雜誌去沙灘睇 ( 無錯 , 係去游水 ^^ ) 嗰個小島就係 Koh Lipe ... http://www.kohlipethailand.com/ 自從睇咗嗰本雜誌介紹呢個島 , 我一直都好想去 , 於是就同小林子講 , 佢又同佢同事講 ( 佢同事係我哋去玩水嘅鐵膽嚟架 ) 然後每次見親佢哋 , 都會傾下幾時一齊去 .. 前年我要去加拿大飲喜酒 , 又轉咗新公司大假只可放新年 , 結果我哋嘅旅行大計就一年推一年 , 而每次見親面都問我幾時放到假 >< 終於 , 上年我決定今年過埋年就會辭職 , 所以上年已經 plan 梗去 Koh Lipe ... 由於小林子同事老婆係半職媽媽 , 所以所有機票住宿行程都由佢一手包辦 , 呢次真係個人去就得 , 完全唔駛煩 =P 由於我哋會玩好多水上活動 , 所以我哋選擇較平嘅機票住宿 , 留多啲錢去玩 , 下面係我哋今次粗略嘅行程 先搭 Air Asia 飛吉隆坡 約 4 個鐘 機票 $2,035 / 來回 再轉內陸機 約 1 個鐘 $540 / 來回 第 1 晚先住浮羅交怡酒店 Casa Fina Fine Homes Hotel $274 / 房 http://www.casafinalangkawi.com/ 船 Langkawi - Lipe $580 / 來回 http://www.kohlipethailand.com/ferry_times_langkawi.php 第 2 - 6 晚住 Koh Lipe Wapi Resort $2,670 / 房 http://www.wapiresortkohlipe.com/ 第 7 晚住吉隆坡 Sky Express Hotel Bukit Bintang $278 / 房 http://www.skyhotel.com.my/Sky-Hotel-Bukit-Bintang/index.html 經吉隆坡再過 Koh Lipe 較經曼谷去係平好多 , 所以大家將來要去就最好經吉隆坡 , 仲可以響浮羅交怡停返一兩日 . 浮羅交怡我一直都想去 , 今次算係停過下 , 都好好架喇 ! 我哋唱咗 $7,000 港幣嘅泰銖 + $3,000 港幣嘅馬幣 ( 兩個人 ) 小林子覺得駛費仲貴過機票住宿 , 但係因為預計行程中我哋會出好多次海 , 又浮潛又潛水又釣魚又做 spa , 所以差唔多啦 =P 根據網上其他旅遊者嘅資料 , 島上係無提款機亦無得碌咭 , 而酒店唱錢匯率一定高 , 所以趁早排泰國咁亂 , 泰銖平時唱定多啲 . 我知道大部份人都會去上環百年唱錢 , 但要過海 , 無訂又有限幾時去唱 , 而且好多人 , 所以我唱錢係搵開我以前嘅舊客仔 , 因為佢識我 , 所以個價係同百年一樣 . 不過就算 walk in 去唱 , 個價都靚 , 慳返啲過海錢條數都響返度 . 間找換店響尖沙咀美麗都大廈裡面嘅恒豐找換 , 唔去開香港區嘅不妨去呢間 . 不過大家留意 , 美麗都大廈有啲雜 , 一個女仔唔熟路就搵個人陪去 ^.< 另外 , 響而家呢啲智能年代 , 點會唔買返張上網電話咭 ... 我哋就買咗電話咭 , $75 無限上網 . 電話咭購自 : AsiaTravelCare.com 大家想去 Koh Lipe 可以參考以下網站 http://www.kohlipethailand.com/koh-lipe/facilities/ 等我去完再匯報下嗰邊嘅實況俾大家 !!
