( 圖片來源 : 網絡圖片 ) 唔知大家有無諗過你哋為乜去旅行呢 ? shopping ? 喪玩 ? 喪食 ? 而我 , 一定係「喪潛」 ... 哇哈哈 xDD 有一啲人係因為未去過嗰個地方 , 所以要去嗰度旅行 ; 而有人係因為鍾意嗰個地方 , 所以每年都會去嗰度旅行 ; 而我 , 一定係因為嗰度嘅海底世界吸引我而去嗰度旅行 ! 以前我同大多數嘅人一樣 , 每次旅行都想去一個未去過嘅地方 , 又或者會想去 shopping 掃平貨咁 ... 但自從同咗小林子一齊之後 , 就改變咗我嘅諗法 ! 小林子係天生屬於大自然 , 特別係水嘅世界 , 名符其實嘅海之子 ... 以前我只係鍾意去沙灘曬太陽 , 唔鍾意落水 , 真係乾煎幾個鐘都可以 = =" 但同佢一齊之後就俾佢感染埋 , 愛上咗浮潛 , 漸漸仲想潛落水底睇更靚嘅海底世界 ~ 雖然直到而家都未考潛水牌 , 亦唔係去過好多地方浮潛 , 但我嘅旅行目標已經由去日本 shopping 玩機動 , 轉變成潛盡每一個國家 ~ 兩個人一齊可以有共同興趣係好難得 ... 眼見身邊一齊去浮潛嘅朋友 , 另一半只係坐響沙灘上 , 又或者怕曬傷 , 只有自己落水玩 , 其實真係幾無癮架 ! 嚟梗 4 月 , 我哋終於可以去泰國最南邊嘅島 - 麗北島浮潛喇 ! 呢個 trip 真係 plan 咗好耐 , 因為大家都要就我放假 ... 今次終於去得成喇 ~ 好期待 !! 大家可以睇下其他潛友介紹麗北島 http://www.backpackers.com.tw/forum/showthread.php?t=600594 》 雙魚 ... 註定要與海相伴 《
