#捉緊暑假的尾巴#staycation#黃金海岸酒店相約咗表弟兩家人一齊捉緊暑假的尾巴，去咗黃金海岸酒店staycation！一齊慶祝雪嵐嘅五歲生日🎂 黃金海岸酒店相信大家一定大唔陌生，今年暑假佢哋嘅主題係Peppa Pig陪你放暑假🤪😙😉，我哋仲book仲主題房，超級靚😍，全房都有Peppa Pig嘅踪影：床鋪、枕頭、枱燈、Stickers，仲有大大隻Peppa & George嘅毛公仔、神奇畫板、故事書比小朋友玩🥰，package 仲有個Peppe Pig旅行袋送添，雪嵐和表弟勁開心，仲話呢度係Peppa House😆 #sohappy◽️點擊圖片放大 +2 我們之後去咗游泳池游水，雪嵐無表弟咁大膽，全程攬到實，我哋咁啱去到嗰日竟然開返個滑水梯（之前因疫情狀況停咗好耐無開），表弟自己一個去玩添，犀利👍點擊圖片放大 +5 游完水，返酒店房，小朋友啲體力真係無窮無盡，姑姐買咗彩虹🌈泡泡浴球比兩個小朋友一齊鴛鴦戲水，平時係屋企無得咁樣玩，所以兩個表姐弟玩得既好奇又開心😃點擊圖片放大 +2 之後join埋姑丈去咗屯門市中心食晚餐，夜遊Donki，越夜越多人呀😝，返到酒店當然要食生日蛋糕啦，酒店房間個陽台夠晒寬敞，仲見到大月光添，遲啲中秋嚟賞月🌕都唔錯！點擊圖片放大 +2 第二天一早就去食早餐，package包咗兩人一小嘅自助早餐，十分唔錯，款式又多又好味😋！食完早餐，再去埋package 包埋嘅主題活動，整草裙及頭飾，小手工雪嵐最拿手，呢個活動男仔可能無咁鍾意😅，整完草裙，小朋友仲可以半價坐咗黃色小火車，又幾得意喎☺️點擊圖片放大 +3 最後捉緊時間玩埋酒店嘅鯊魚冒險島室內遊樂場，45分鐘一節，地方都好大，動靜活動都有，小朋友玩到唔捨得走。點擊圖片放大 +3 時間眨吓眼就過，12:00就要check out，仲有攤位遊戲都無時間玩添！有機會要再約埋一齊玩！#親子酒店 #親子bloggers #hkbloggers #hkkol #主題房 #PeppaPig #打卡酒店 #happybirthday #生日快樂 #雪嵐寶寶 #雪嵐媽媽
