大家嘅小朋友👧👦,或者身邊有無朋友嘅子女係2005至2007或2012至2018年出生,並且持有舊款智能身份證的?到佢哋要換智能身分證啦!(* *從未申領香港身份證或現已持有新智能身份證的兒童則❌無須根據上述安排換證。**) 夾啱我暫時不用返工,雪嵐又放緊暑假☀️,所以預約咗平日日子去換領,在網上預約日子時間地點都好方便,幾分鐘就搞掂。大家留意申請當日,需要父母任何一人或監護人陪同,並要帶備以下文件📄:1. 申請人的舊款智能身分證2. 陪同者亦必須出示其身份證明文件,例如身份證或其他有效旅行證件等。如由合法監護人陪同,該監護人須同時出示可證明其監護權的文件。3. 如申請人是11歲以下,需帶備:a. 申請人的其他身份證明文件正本(例如護照或其他有效旅行證件等)或最近的學校證件(須貼有照片並經學校蓋印🕹,例如學生手冊或學校記錄卡)b. 如申請人的身高不超過90厘米📏,亦須出示申請人的一張(50 x 40)毫米的正面近照。 申請當日,我剛才提到係平日,加上係早上,所以真係好小人,去到有人指示我去窗口登記攞籌,唔夠10分鐘就到我哋,先見一位負責核對資料嘅職員,比晒以上提及要帶備嘅文件佢核對,再同亞女影相📸做記錄(11歲以下小朋友身分證上沒有顯示相片),之後再去另一個counter 見一位主任,問咗小小資料就搞掂,主任最後比咗張領證通知書比我就走得。全個過程唔洗半個鐘就完成,快到令我有啲驚訝😅! 睇返張領證通知書📃,原來大約10日就已經有得攞,核對資料嗰位職員告知,領證可以唔使小朋友去都得,只需同一位陪同者去取證便🉑,當然要帶埋領證通知書、申請人的舊款智能身分證及陪同者自己的身份證明文件啦!如果你哋小朋友或者身邊朋友的子女夠期換證,就要提下佢哋啦,記得要在2021年9月18日或之前換領😉