話說琴日屋企個洗衣機有啲問題😒洗洗下突然停機❌，「請清洗過濾網」的燈💡不停地閃著，唯有將洗衣機的水放出嚟，再拆個filter出嚟洗下囉。搞咗一輪，好似OK，諗住再洗啲衫，洗咗廿幾分鐘，再一次停機🤨，「請清洗過濾網」的燈又係度閃😔而係呢個時候我又約咗人趕住出門口......所以決定熄機，返嚟再搞😒夜晚返到屋企，洗衣機放水，再拆filter出嚟，用電筒仔細再睇filter及放filter的位置，發現咗一粒黑色長形物卡住咗係放filter的位置，原來係你😏，搵到原因，好彩唔使買洗衣機😅 仲有一個好笑位，呢粒黑色長形物係咩？我自己就覺得係啲衫/褲甩出嚟嘅嘢，但又唸唔起係邊件衫/褲。我問工人姐姐，佢話唔知；老公返到嚟問佢，佢都話唔知。雪嵐寶寶突然衝過嚟話：「我知！我知！」我十分驚訝，你知？！佢仲拉我入房，開咗佢自己個衣櫃，攞咗條藍白色間條褲出嚟比我睇，話：「係呢條褲甩出嚟㗎！」 雪嵐寶寶，估唔到你好細心、觀察力咁好，仲好好記性，真係要比個叻你👍
