去到清邁隱世 Café 嘅第四站，距離清邁市中心40分鐘車程，呢間café 應該係 crossover？🤔因為響 Google map 上面，分別搵到 Roll.Space 同 8 eggs on the table，但係去到嘅時候，見到門旁邊寫住兩個名，入到室內有個燈箱係 Rolls. Space x 8 eggs on the table，網上又冇咩資料，就當係兩間店嘅 cross over 啦，雖然都唔知原本兩間店係賣咩～ 呢間Café 係響住宅區，四周圍都冇其他Café 或餐廳，行入去有幾幢矮建築物，兩幢係 Café，另一幢都有D 似民宿，有戶外嘅空間，有少量檯櫈 setting，室內環境好 chill，空間感十足 。🍴Tiramisu soft latte（$135Ɓ）有睇我 post 嘅朋友，都會知道我最常飲嘅係熱 Latte，除非見到有其他勁想試嘅嘢飲，今次揀呢個，都有少少被顏值吸引咗～呢個係有自家製嘅 Vanilla 雪糕，滿滿一大球，上面有朱古力粉同鹹味 pretzels，其實雪糕上面灑咗朱古力粉嘅外觀上，同Tiramisu 都幾似。雪糕嘅質感做得唔錯，幾幼滑，味道唔錯，可以分開食同撈埋latte 飲，增加 creamy 感，雙重享受～ 🍴Rosy-cheeks（$158Ɓ）呢款 open sandwich 上面有 Chicken Ham, Raspberry Jam, Avocado, Rocket, Mushroom，食落去唔算太濃味，幾清新，感覺好健康，唔錯～ 🍴Sourdough & Jam（$80Ɓ）平時好少無嗱嗱叫個凈包食，有人突然間話要叫，嚟到時塊 sourdough 焗暖咗，咬落去個皮脆脆哋，麵包肉煙煙韌韌，出奇咁好食，果醬酸酸甜甜好開胃，大滿足！ 🍴Coconut cake唔記得咗個蛋糕幾多錢，面層有厚厚嘅椰漿，偏甜，蛋糕唔算太鬆軟，未算有驚喜，係正常發揮～ 🍴Bagel with Cream Cheese & Jam呢個都係後叫嘅，冇留意價錢，入面有 Cream Cheese 同 Jam，普普通通，冇覺得特別好食～ 整體上環境舒服，食物都唔錯，佢本身有其他飯同意粉，因為已經食咗早餐未算太肚餓，冇叫到主食，不過食到好味嘅 sourdough 係開心嘅～（如果想睇片，可以去我個IG）體驗感受 ⭐️⭐️⭐️⭐️⭐️🔍Rolls. Space x 8 eggs on the table.（清邁。泰國）📍หมู่6 Tambon Nong Yaeng, San Sai District, Chiang Mai 50210 追蹤我的IG：tracyloveliving
