上回介紹完一間我一去再去嘅隱世餐廳,今次繼續分享隱世Café。呢間 Café 係距離清邁市中心大概20分鐘車程,一間歐陸風格住宅入面嘅 Café。我哋朝早10點幾去到,仲未係好多人,坐咗冇耐就開始多人,連戶外嘅位都差唔多坐滿晒~ 呢間 café 無論室內定係戶外,都有好多打卡位,室內環境有典雅家居感覺,有唔少古董擺設,空間感十足;戶外環境好舒服,大宅外觀同花園都係歐陸風格,即係自己冇間咁靚嘅大屋連花園,都可以 feel 吓響花園嘆早餐嘅感覺😂 🍴Mushroom & Ham + Cream Chesse Sandwich($200Ɓ)麵包係微脆,餡料多到跌出嚟,沙律菜夠新鮮,醬汁清新,好味~🍴Latte($80Ɓ)拉花手藝唔錯,味道幾好☺️ 我哋揀咗坐戶外,有樹蔭唔太曬亦都有微風,好舒服,係可以 hea 好耐嘅 café,後尾發現佢上層係民宿,可以租房住呢~ 不過我就唔會揀一間咁繁忙嘅地方住啦,我嘅意思係,想住呢種民宿,都係想 enjoy 個 vibe,但呢度朝9晚5都咁多人,完全唔係嗰種 vibe!呢度嘅食物環境打卡字數都好高,推介俾大家~ (如果想睇片,可以去我個IG)體驗感受 ⭐️⭐️⭐️⭐️⭐️🔍Café Arte(清邁。泰國)📍155/4 หมู่ 2 ถ.เจ็ดยอด-อยู่เย็น ซ.8 เมือง Chiang Mai 50300追蹤我的IG:tracyloveliving