上回講到去咗一間距離清邁市20公里嘅café，我哋食完 cake 之後周圍逛吓村落嘅自然景色，就去返 café 對面嘅家庭式經營 fusion餐廳食飯。 呢間餐廳係半戶外空間，有得玩飛鏢，不過要注意嘅係勁。多。蚊！要有生理準備😂店主係一位伯伯，佢英文唔錯，會同你傾偈，煮嘢食嘅係一個婆婆，佢哋係咪兩公婆就唔知啦～其實佢係有西餐嘅部分，包括西式沙律、湯、意粉、主菜等等，不過我哋只係食咗佢嘅泰菜，所以西餐嘅嘢食得唔得我就唔知啦！ 🍴Pad Thai（$85Ɓ）原來我唔記得影相呀🫠 本身想叫魷魚，但佢冇，就叫咗蝦！如果係豬、牛、雞的話只係（$75Ɓ），呢個真心好好食，尤其係佢嘅勁粗河粉，煙韌感十足，調味好夠鑊氣！🍴Tom Yum Goong（$165Ɓ）每間店都有自己獨特配方，呢個湯非常濃郁，算係相對辣嘅，酸味啱啱好，D 蝦新鮮又夠大隻，食完第二日都會諗返起佢！ 跟住我哋試咗兩款 Gang Pedd（即係咖哩）🍴Gang Mussamun Beef（$155Ɓ）呢款係Brown curry，通常食泰菜都係見黃、紅、綠咖哩，啡咖哩好似未試過，上網查返，Mussamun curry 係泰國南部嘅代表。佢係用咗Mussamun醬、椰奶、洋蔥、薯仔、花生碎整嘅，個汁比較傑身，濃郁微辣，好味～ 牛肉份量唔多質素一般，但係個咖哩真係好好食，配飯一流！P.S. 呢度嘅白飯係免費嘅～ 🍴Gang Garee Chicken（$145Ɓ）呢款係Yellow curry，用咗咖哩粉、辣醬、新鮮椰奶整，個汁比較稀，味道唔算突出，配雞係正常發揮。 🍴Poh-pia Jey Tod（$85Ɓ）春卷入面有椰菜絲、紅蘿蔔絲同麵條，炸到勁香脆，餡料清爽得嚟夠惹味，佢雖然有俾泰式酸甜醬，但我完全唔想個醬味掩蓋咗佢嘅原味，呢個好味！ 🍴Gai Pad Medmamuang Himmapan（$150Ɓ）呢款係腰果雞丁，加埋辣椒、洋蔥、蔥用蠔油炒，腰果好多但雞丁好少，係好食嘅，但唔覺係泰菜似中國菜多D！😂 🍴Gauyteaw Pad Keemaw（$75Ɓ）呢款係 Spicy fried noodle，叫咗豬肉，用蒜蓉、辣椒、紅黃椒、羅勒葉去炒粗河粉，呢款因為個汁係傑，所以會黐住D 粉，顯得黐立立好 gel 口，個味我覺得一般，唔推介！ 🍴Leo（$100Ɓ）當地嘅啤酒之一，香港比較少見。 呢間店食完會成腳蚊癩，但響呢個旅程已經再訪3次，因為念念不忘個 Pad Thai 同冬陰功，你就知道有幾好食！今次介紹嘅嘢食，係3次嘅整合，呢間隱世嘅餐廳係絕對要推介呢～體驗感受 ⭐️⭐️⭐️⭐️⭐️🔍Sorn's Cafe, Restaurant And Bar（清邁。泰國）📍V4MF+784, Luang Nuea, Doi Saket District, Chiang Mai 50220追蹤我的IG：tracyloveliving
