睇外觀... 又係黑色嘅？仲係響上一間café？唔係呀！已經去咗清邁隱世 café 第二站啦😂 呢間café，外觀當真又係黑色嘅，距離清邁市中心比起上一間遠一倍，大概20公里，坐車要40分鐘。 呢度有一隻好可愛嘅白茸茸貓店長，室內空間陳設好有家居感，室外區域帶露營風，坐得幾舒服。呢間店仲相連住一間精品店（另一個名），只有一個門口，應該係同一個老闆呱，入面都有檯櫈坐㗎～ 🍴Latte ($50Ɓ)賣相正常，咖啡個味都幾好，唔錯！ 🍴Double Chcoclate Chips Croffle ($50Ɓ)本身對佢冇咩期望，但竟然出奇咁好食，上面流心嘅朱古力醬暖暖哋，牛角包窩夫個邊有脆口感，牛油味香帶少少鹹味，配合黑朱古力醬嘅微苦中帶甜，超好食！ 🍴Blueberry Crumble Cheese Pie ($89Ɓ)質感似 New York Cheese Cake，芝士好香滑夠濃郁，上面嘅crumble 帶香脆口感，Blueberry 醬味道都幾好唔會太酸，餅底有D 硬，整體上幾好食～ 🍴Soft Chocolate Cake ($75Ɓ)蛋糕鬆軟，整體上唔算太濃嘅朱古力味，正常發揮。 🍴Cream Puff ($40Ɓ)冇重點！ 呢間café 仲有飯、小食嘅，不過因為唔使食飯，所以只係試咗咖啡同甜品，整體上食物質素唔錯，不過因為路程比較遠，要專登只係嚟呢間café 就要自己衡量，之但係。。。其實呢間café 嘅對面，係有一間好家庭式經營但環境幾靚嘅泰國菜（其實係 fusion 菜，不過我只係試咗泰菜嘅部分），記住要留意我下一篇嘅 post 啦！（想睇片可以去我IG！）體驗感受 ⭐️⭐️⭐️⭐️🔍Hueanpor Coffee（清邁。泰國）📍55 V4MF+7CJ, Luang Nuea, Doi Saket District, Chiang Mai 50220追蹤我的IG：tracyloveliving
