離開美國村，繼續開車去沖繩北面，夜晚 book 咗住本部町嘅一間海景民宿，其實開車去到民宿都5點幾，襯仲有少少陽光，去咗沙灘一陣。本身搵到一間食牛扒嘅海邊小店收7點，我哋6點幾去到已經唔做lu，惟有返民宿隔離（步行5-6分鐘，揸車2分鐘）酒店群中間嘅商場搵食，呢度有小商店、高級餐廳，亦都有 food court，我哋 dinner 同第二朝早餐都嚟咗 food court~ 呢度環境好舒服，唔怕熱坐室外就可以望住海景食飯～ 🔍おきなわ食堂琉球（本部町。沖繩）🍴白身魚定食（￥1430）呢個係數量限定，亦係我覺得首選好食嘅。炸魚有3件，唔似影相咁大（日本唔係通常張圖同成品唔會落差咁大？），炸得好香脆，粉漿唔算好厚，調味啱啱好唔會太重手，魚肉薄身但好滑，魚肉唔算太重魚味，唔錯～ 🍴炸吞拿魚定食（￥1540）呢個有5件，睇落份量相對白身魚大，炸皮個味係一樣，吞拿魚肉會有少少咬口，味道上比白身魚濃味一D，都好好味～ 🍴吉列咖哩豬扒飯（￥1650）第三款都係炸物😂呢款日式咖哩都幾香，吉列豬扒都幾爽口，唔錯～ 🍴Taco飯 + 沖繩麵定食（￥1320）因為去瀨長島冇食 Taco 飯，嚟到呢度就試吓，番茄片 + 肉醬 + 菜絲 + 飯，唔太啱我口味～ 🔍Potama - Okinawa Motobucho storeポーたま 沖縄 本部町店（本部町。沖繩） 第二朝嘅早餐，我早一日已經諗好試呢間沖繩飯糰，其實響市區呢間都係排隊店嚟㗎～唔睇資料唔知，原來「午餐肉」係沖繩縣民靈魂美食，而呢間就係午餐肉蛋飯糰嘅專門店，飯糰係響接到訂單後現場手工製作。🍴炸魚餅午餐肉蛋飯糰（￥700）呢款係新產品，相對惹味，魚餅少少煙韌感，雞蛋同午餐肉嘅厚度一樣，咬落去味道好平衡，唔會互相搶味，正！ 🍴島豆腐の厚揚げ油みそ（￥700）島豆腐係沖繩原生嘅一種豆腐，加熱之前將大豆分開（豆漿 / 豆腐渣），水含量低，口感比較有彈性唔會爛開，豆味香，味嚐醬汁都幾濃味，同豆腐好夾，呢款我自己覺得4種味加埋反而奇怪（或者係沖繩特色？），可能我自己覺得味噌唔一定同每樣食物都夾，我分開咗午餐肉蛋，同味噌島豆腐兩種味去食～ 我覺得嚟到沖繩，可以試吓呢種午餐肉蛋飯糰，我自己覺得早餐食，啱啱好👍體驗感受 ⭐️⭐️⭐️⭐️🔍おきなわ食堂琉球🔍Potama - Okinawa Motobucho storeポーたま 沖縄 本部町店（本部町。沖繩），日本📍1421-5 Yamagawa, Motobu, Kunigami District, Okinawa 905-0205追蹤我的IG：tracyloveliving
