食完3隻蝦，再去食2nd round dinner，今次揀咗都比較多人推介嘅 burger 店，最出名係氾濫式 burger！店舖為於Terrace 嘅最低層，有海景，不過相對較高層嘅，海景係冇咁寬闊，不過已經日落咗，吹住海風食飯都係開心嘅，尤其係個天嘅藍色已經靚到暈咗～點餐後大概要等20分鐘。 🍴Han-Ran (flood) burger（￥2150/set）望住個漢堡有少少呆咗，我似乎未見過咁高嘅 burger，應該有6吋厚，咩情況下都係一啖咬唔晒😂最頂層有一條酸瓜，跟住係一層蛋沙律，之後係厚切番茄，生菜，煙肉，2件厚厚漢堡扒配上莎莎醬，最最最重點係咩呀，係下面個式唔係麵包，係一塊煎芝士。因為個包太厚，只可以分層切開食，漢堡扒係有肉汁仲好彈牙，完全唔會散開，醬汁幾濃厚，帶有BBQ醬味嘅莎莎醬，好惹味！塊煎芝士好脆好香口，真係好大滿足！食糧唔算太大嘅女子可以兩個人 share，我係食半份都完全夠飽。佢嘅薯條係粗薯條，炸得好脆，調味上唔算好鹹，好味！ 🍴Avocado cheeseburger（￥1750/set）雖然呢個唔係氾濫漢堡，但其實佢都唔細個，最頂層有一條酸瓜，厚切番茄，生菜，溶咗嘅芝士，半個牛油果，底層同樣係煎芝士，醬汁係白色嘅類似mayonnaise，呢個醬汁加強咗氾濫感覺，屋企人覺得好好食！ 🍴Cheeseburger（￥1100/單品）呢個係最 basic 嘅版本，同 avocado 嘅分別係少咗舊牛油果，仍然都係幾大個㗎，屋企人都係讚好食！ 基本上呢間嘅漢堡係好食嘅，日落後望住仍然藍到爆嘅天空真係好爽，推薦俾大家試吓！（IG: tracyloveliving 有影片呢～ ）體驗感受 ⭐️⭐️⭐️⭐️🔍氾濫バーガー チムフガス（瀨長島。沖繩），日本📍901-0233 Okinawa, Tomigusuku, Senaga, 174-6 瀬長島ウミカジテラス 1階4番追蹤我的IG：tracyloveliving
