今次同屋企人去沖繩，因為有長者，決定唔太 chur唔搭早機，搭咗11點幾嘅航班，本身睇過 HK airline 話機上有 refreshment（唔知有咩），飛機餐要買先有，梗係唔會買，上機前響機場食咗少少嘢，準備去酒店放低行李就去瀨長島搵食，點知原來個 refreshment 有嘢飲又有個包，落機唔算好肚餓，離開酒店先去ASHIBINAA 沖繩 Outlet。去到瀨長島已經接近7點，剛好黃昏日落中，天氣唔會太熱亦都睇到日落，我哋直接去海風露台Umikaji Terrace。本身諗住試嘅 Taco Rice 係7點閂門，加上同行嘅有人唔食魚生，唔會去食吞拿魚，周圍行吓睇吓食咩好，路過呢間嗅到好香嘅味，係食蒜香蝦，佢有跟飯同沙律菜嘅選擇（￥1700/5隻蝦）。 🔍Garlic Shrimp Two Combo（￥2700/10隻蝦）因為我哋準備再食其他嘢，唔使食飯，就叫咗10隻蝦，佢可以由Original、Spicy、Butter Lemon 煮法中揀2款，我哋試咗 original 同 butter lemon。 佢嘅蒜係重點，整得幾惹味，就咁食好香口，另一邊有一片牛油仔響面，有幾片檸檬片，應該係 butter lemon 味，因為牛油放響面，只有面層兩隻蝦有牛油味，檸檬片放響側邊，蝦係唔覺有檸檬味，整體上係原味上加咗一塊牛油仔同個邊有檸檬片only，同我想像用牛油檸檬汁煮蝦有少少距離。講返蝦本身，佢個殼中間剪開咗，唔使落手都食到，但蝦肉本身唔算好爽口，整體上蒜香做得幾好，我最後冇放過每一粒蒜，本身我想俾4個😋，但蝦嘅質素就減咗一個😋，日落美景就食邊間都有，如果我有幸再嚟都未必會再嚟食，應該會想試其他嘢。（影片個日落美感更強，可以去我IG 睇個reel😉） 體驗感受 ⭐️⭐️⭐️🔍by・The・Shrimp（瀨長島。沖繩），日本📍901-0233 Okinawa, Tomigusuku, Senaga, １７４−6 瀬長島ウミカジテラス2階 23番追蹤我的IG：tracyloveliving
