之前同屋企人睇三色台嘅旅遊飲食節目，有介紹過呢一間位於曼谷唐人街附近，一間舊戲院地下嘅食肆，有記憶但冇特別話要去食。今次去曼谷行程鬆散到不能，除咗book 咗酒店同 spa 之外都冇話邊日要去邊度，本身有諗住weekend 去On Ang walking street，但冇去到wor！食完酒店早餐，就諗緊，事旦啦，日光日白冇夜市都去睇吓啦～去到On Ang walking street，河嘅兩邊有D 壁畫，有D 餐廳咁，跟住就發現側邊條街似去到 赤柱、大澳嗰類步行街，兩邊有嘢賣咁，就去行吓，行行吓就去到唐人街，諗緊食咩好嘅時候，就見到呢間響電視見過嘅店。 店嘅menu 有泰文、英文、繁體字，唔會唔識睇！本身想試豬雜胡椒湯粉，但係天氣勁熱，環境又係好熱，彷彿唔想再食咁熱嘅嘢～🍴叉燒+香炸五花肉飯（細 - THB75）因為唔係好肚餓，叫咗一個細飯，叉燒好淋好入味，個味道唔似香港食嘅叉燒，五花肉炸得硬咗少少，個皮唔脆，溏心蛋好味，整體上okay。🍴蓮藕汁（THB 25）因為未試過所以試吓，有清甜嘅蓮藕味，比起飲手搖飲更加清爽，啱晒咁熱天氣飲。 因為去到嘅時間有D 不倫不類，所以唔需要排隊，入面座位唔多，一路都人來人往，如果唔使等的話都可以嚟試吓，要排隊就未必lu~ 體驗感受 ⭐️⭐️⭐️🔍Guay Jub Ouan Pochana（曼谷），泰國📍408 Yaowarat Rd, Chakkrawat, Chakkaphat, Bangkok 10100泰國追蹤我的IG：tracyloveliving
