約朋友響新都會廣場食晚飯，朋友話去食東海堂嘅烏冬意粉，我黑人問號咗一陣，吓！東海堂？食烏冬意粉？原來新都會呢間東海堂食一間有位坐嘅快餐店，除咗有麵包蛋糕外，仲有烏冬意粉同丼飯，要自己出去買，整好後有提示機提示出去攞。 🍴日式豚軟骨稻庭烏冬配溏心蛋（$78）個樣都唔錯，雖然唔算好多豚軟骨，我都滿心期待，先飲佢個湯，首先感受到佢有幾凍，只係微暖，味道屬於正常，跟住食豚軟骨，好腍好入味，但外面係微溫入面係凍，真係呆咗，成碗嘢只係高室溫少少！另外稻庭烏冬完全冇稻庭烏冬 feel，一D 都唔煙韌，勁腍口，如果佢唔講自己係稻庭烏冬都會放過佢，但稻庭烏冬煮到咁，一下煮到過晒龍，一下佢根本唔係稻庭烏冬！ 🍴熱咖啡（跟餐）六隻字形容 -- 唔熱難飲咖啡。基本上完全唔掂，朋友話之前食過唔係咁，anyways 唔會再去，bye！體驗感受 ⭐️⭐️🔍東海堂（葵芳），香港追蹤我的IG：tracyloveliving
