響屯門 V-city 睇吓買邊間外賣食，呢間韓國店應該開咗幾個月，就試吓啦～🍴蜜汁豉油炸雞餐（$118）呢個炸雞餐冇講明係半隻雞，所以應該唔夠半隻，份量上都算唔錯。就算係外賣都仲係熱嘅，咬落去個外皮都仲係幾脆，豉油味都幾濃，味道相對鹹，蜜汁味相對輕微，味道okay 但未算出色，我自己覺得唔加醬汁嘅炸雞好食D，個醬汁嘅味唔算同個雞夾。另外跟兩條炸芝士，因為唔太熱芝士已經硬咗，不過都唔及三條年糕，好似有煎過，但係十分硬好似未煮熟咁，完全失去年糕嘅軟糯口感。 🍴辣炒豬肉紫菜包飯（$52）辣炒豬肉幾惹味，加埋青爽嘅青瓜、甘荀、黃瓜、白芝麻，好味！ 🍴烤牛肉傳統蒸飯（$68）其實唔知道呢個蒸飯有咩特別，比起一般嘅飯腍，個烤牛肉亦冇咩烤嘅風味，我唔太識欣賞。 應該係蒸飯跟嘅湯係似味精水，另外有椰菜甘荀醃菜同泡菜，整體上食物質素正常，唔算突出亦唔算好差，冇咩驚喜～體驗感受 ⭐️⭐️⭐️🔍韓珍園（屯門），香港追蹤我的IG：tracyloveliving
