同朋友去葵涌廣場搵食，雖然嗰度有勁多唔同種類小食，但我想坐低食，唔想攞住嘢食響人多到爆又窄嘅地方企響度食，跟住發現竟然有茶餐廳嘅下午茶去到7點，啱晒要食D 嘢又唔想食得太飽嘅我！姐姐見我哋兩個人就叫我哋坐卡位，雖然唔係裝修好靚，都算坐得舒服。🍴生炸雞脾（$45）佢嘅下午茶都幾多款式，有唔同嘅包類、炒粉麵飯仲有沙律，我同朋友都揀咗生炸雞脾配薯皇。嚟到時雞脾勁大隻，基本上係大過我塊面，一啖咬落去，熱辣辣勁多煙，個雞皮炸到好香脆，肉汁飛晒出嚟，雞肉好嫩滑又入味，好正！薯皇即係薯角，外脆內軟又夠惹味。好多茶餐廳嘅沙律都係罐頭雜果加奇妙醬，我一向都唔鍾意食，呢度係跟沙律菜，一D 都唔 hea，幾新鮮。 🍴凍奶茶（+$3）奶茶一D 都唔嚡仲夠茶味，掂！估唔到平凡嘅外觀都有好味嘅嘢食，仲要下午茶去到7點，份量又多勁抵食，真係好驚喜！體驗感受 ⭐️⭐️⭐️⭐️🔍佳記冰室（葵芳），香港追蹤我的IG：tracyloveliving
