其實我完全記唔起上一次去廣州係幾時，好大機會係小學同爸爸媽媽去，有咗高鐵之後就完全未有再北上，所以唔好笑我攰，我係第一次搭高鐵。🔍高鐵到廣州南原來由西九龍站去廣州南只係50分鐘，去到深圳只係15分鐘，停站後繼續行程，50分鐘都唔使就到咗，的確係幾快，二等車都幾寬闊舒服，已編好位唔使搶位，有乘客放咗一件大行李響我哋頭上嘅小型行李位飛咗半件行李出嚟勁恐佈，開車前都有職員check 叫佢攞返落嚟，都算安全，回程搭和諧號去深圳買咗一等車，都唔算闊好多，所以買二等車都足夠！因為係實名買車票，要用名同證件號碼，基本上用身份證出境，其餘都係用回鄉卡，車票並不存在。 呢個係二等車👆 呢個係和諧嘅一等車👆🔍廣州交通全程冇坐過公共交通工具，主要係朋友叫車（類似 uber），由廣州南去酒店坐咗1個鐘有多，都係人民幣120蚊～ 如果係廣州市內就30幾蚊～🔍點菜 ＆ 俾錢如果冇內地嘅 app 仍然係非常 handicap，嘢食都太點到，雖然冇佢都會人手落單嘅～ 俾錢方面，我同揸車師傅提及過我之前去北京俾的士司機黑面嘅體驗，佢話應該當年係想推電子消費最狂熱嘅時間，依家唔會啦，因為當年唔太成功，我呢個旅程只係試過響喜茶用現金（正確嚟講係朋友仲有一D 現金想用埋佢，唔夠，我用我嘅現金搭夠）。🔍北京路⭐️⭐️⭐️基本上係一條購物街，兩旁建築物仍然係三層高，有少少油麻地或深水埗，或者最近似嘅係澳門 / 北京王府井大街 feel，比較多人影相嘅係一個大3D 屏幕，不過播嘅嘢一般好睇，咁啱我影到幾秒比較好睇嘅～ 另一個得意位係，唔知點解咁鍾意用煙機 / 霧機，路經一條叫李白巷嘅小巷，咁啱有人著古裝宣傳採耳，又出晒煙，牆上有李白嘅詩 + projection + 音樂，都幾攪笑～ 仲有一間係玩鐘乳洞有埋小型瀑布流水嘅手信店，都有少少趣！（本身有片，不過呢個平台唔可以相 ＆ 片混合上載，有興趣可以去我個IG 睇～） 🔍仁信双皮奶（北京路店）⭐️⭐️雙皮奶係順德名物，上網睇資料，仁信係順德比較出名嘅店，咁啱路過見到，梗係試吓～ 叫咗個熱嘅試，雙皮奶應該會有兩層皮得以命名，但可惜唔見到層皮，食落真係好滑，不過係超級無敵勁甜，我差D 連一碗都食唔到，我只可以講，唔啱我食！ 🔍大佛寺⭐️⭐️⭐️⭐️網上面講，呢間大佛寺係彷彿帶你進入宮崎駿千與千尋嘅國度，去到嘅時間門口唔係好大，仲勁水浸，諗咗一輪先涉水入去，入到去原來勁大，有好多唔同嘅殿，而有一個位係真心靚，尤其我哋黃昏去，天未黑晒又開咗燈，幾值得去睇吓～ 🔍永慶坊⭐️⭐️⭐️⭐️呢個係國家4A級旅遊景區，係保留咗老城市民居活化嘅區域，有特色 Cafe、書店同埋其他零售店，有唔少打卡位，仲有千祈唔好錯過下面嘅博物館！ 🔍粵劇藝術博物館⭐️⭐️⭐️⭐️除咗睇到粵劇嘅展覽外，仲係一間有嶺南風格，水香特色嘅博物館，唔知點解硬係覺得有丁丁似日本熊本城 feel，去行吓影吓相都唔錯～ 🔍廣州融創施柏閣酒店⭐️⭐️⭐️揀咗呢間響滑雪場附近嘅酒店嘅湖景房，價錢上相對貴，過千蚊一晚，房間 size 都算okay，有個大露台，不過都冇咩點用除咗晾乾把傘😅 房間算係乾淨，感覺比較舊，早餐選擇多，不過一般好食，個咖啡勁難飲～前台個姐姐好似講急口令咁，好多時要再問先聽得清楚佢講咩！😂 基本上我今次係完全冇做 research冇app 落單 call 車又冇電子錢包，感謝有包容我嘅朋友，其實呢兩日嘅天氣都幾差，落好大雨，不過去嘅地方都唔錯，食嘢都唔貴，亦都挑戰咗中女學滑雪，都幾開心嘅～追蹤我的IG：tracyloveliving
