同朋友食飯，大家好多時都諗到國際美食，或者打卡靚餐廳，基本上好少會諗到去要人肉排隊，食完要即走嘅地方食嘢。3個朋友約食飯，大家諗緊想食咩，完全估唔到一個20出頭嘅朋友竟然話想食雲吞麵，跟住佢決定食呢間，我其實唔係冇食過，不過完全諗唔到上一次食係幾時，冇去係因為我個人唔太鍾意要快D 食完就走人，唔想食得咁有壓力～🍴上湯雲吞麵（$45）麵唔大碗，雲吞放響底，上面係麵。麵的確非常彈牙，完全冇鹼水味，雲吞大大粒，入面有一隻大蝦，蝦肉爽口，個雲吞皮好滑，湯底鮮甜，好味！ 🍴鮮蝦水餃（$50）因為我想試，所以叫咗一碗凈水餃 share，水餃湯底同雲吞麵一樣，水餃皮都係好滑，餡料比例唔錯，幾好食！ 其實食完個胃有D 空虛，如果只食一碗麵就會更空虛～ 另外，的確係要人肉排隊，我哋3個人，其中一個朋友遲到，我哋已經等到差唔多先排隊，輪到我哋時，朋友都未到，當然佢俾嘅就照入座，店內環境係擠迫，店家俾咗卡位我哋，我同另一朋友打對面坐，冇耐已經聽到有店員對話，大概係兩個人坐咗4人檯咁，佢哋冇打擾我哋，不過就係我之前所講，坐得唔太舒服，食完好走嘅感覺唔太係我想要嘅進食體驗，不過間唔中快閃食都冇話唔得嘅，佢嘅雲吞麵真係好食嘅～番外篇：因為之前成日傻傻攪唔清楚幾間相對比較出名嘅麵店，就 Google 吓，睇吓佢哋之間有冇關係啦，原來...🍜麥奀雲吞麵世家：創辦人麥奀係傳承自父親麥煥池響廣州開業嘅麵店 - 池記雲吞麵檔🍜麥奀記（忠記）麵家：麥奀個大仔麥志忠創立🍜麥明記：麥奀個次子麥志明創立🍜麥文記麵家：麥奀親戚麥民敬創立池記雲吞麵：創辦人黃偉德同佢哋完全冇關係，佢係一個有MBA 嘅商人，稱改名池記係向麥煥池致敬🍜何洪記：麥煥池唯一入室弟子何釗洪創立🍜正斗粥麵專家：創辦人何冠明除繼承父業何洪記外，另自創嘅品牌。體驗感受 ⭐️⭐️⭐️🔍麥文記麵家（佐敦），香港追蹤我的IG：tracyloveliving
