作為芫荽控嘅我，呢間外賣店 bookmark 咗好一陣子，終於有機會試到！下晝1點幾嚟到，發現另一款好想試嘅皇牌奶茶已經賣晒，失望😔🍴招牌勁芫荽餐肉滑蛋三文治（$33）用透明盒裝住，未打開已經覺得個橫切面好靚，見到勁多芫荽好興奮，厚切午餐肉都好吸引，一啖咬落去，D 料多到飛出嚟，啖啖有芫荽，蛋真係好滑，加埋午餐肉嘅口感同鹹香味，好正！ 🍴香蔥芝士鹹牛肉滑蛋三文治烘底（$34）同樣用料十足，溶咗嘅芝士滲入香蔥鹹牛肉滑蛋入面，味蕾響度跳舞，呢個相對比較鹹，不過都好好味～ 🍴椒鹽炸燒賣（$11）炸到非常香脆，勁惹味！ 🍴樽仔滴漏咖啡（+$8）普通，唔算突出。 三文治看似好簡單，但係佢嘅滑蛋又真係幾滑，作為芫荽控嘅我，食完感覺好滿足，會再返轉頭食，希望下次可以試到佢嘅皇牌奶茶～體驗感受 ⭐️⭐️⭐️⭐️🔍大吃大喝Guzzle（油麻地），香港追蹤我的IG：tracyloveliving
