網上見到呢間係熱店，好評如潮，梗係嚟試吓啦～ 🍴火山（$128）好多人都講佢嘅特色卷物好食，點都要試一款！因為我已經冇食三文魚魚生好耐，最後揀咗呢款！之前冇詳細睇過其他人點講呢款卷物，嚟到之後，店員點火嗰下，原來叫火山除咗整成火山樣之外仲有烈火，都幾有gimmick！ 呢款卷物有帶子、牛油果、青瓜、蟹柳、蟹籽，不過唔太食到帶子，亦都唔太食到個火對於個卷物有咩增值，除咗D 飯會暖暖哋之外，整體上味道唔錯嘅～ 🍴鐵板燒小牛排＆仙台牛舌煎（$168）小牛排份量okay，第一塊煎嘅時候有少少黐底，到第二round 就比較好燒，肉質鮮嫩， 醬汁帶有黑椒味，好味！仙台牛舌煎有少少失望，個醬汁係okay，但唔知係佢煮得唔好定係點，冇咗牛舌嘅爽口感，食咗幾舊得一舊比較爽，呢個一般。點擊圖片放大 🍴龍卷風沙律（$88）呢款沙律有蔬菜、海藻、蟹柳、蟹籽、脆片，個醬汁好好味，開胃又清新～ 🍴櫻花蝦原條茄子燒（$88）整條茄子鋪滿櫻花蝦，咸香味十足，櫻花蝦嘅脆加上淋淋滑滑嘅茄子，口感唔錯又幾惹味！ 🍴海老天婦羅（$88）有5隻蝦，炸皮唔厚好鬆化，好味！ 🍴枝豆（$52）太過 overpriced，份量太少！ 可能天氣熱，The One 嘅中央冷氣唔太夠凍，加上煎小牛排，附近又有客人食鍋物，我個人本身唔太怕熱嘅（有時仲嫌冷氣凍得滯），都覺得食到好熱！整體上食物味道唔錯，有gimmick 但味道又唔算非常驚喜，未被列入好熱切好快想回頭之選～體驗感受 ⭐️⭐️⭐️🔍古今二（尖沙咀），香港追蹤我的IG：tracyloveliving
