疫情都玩咗3年幾，以前每年都飛幾次，但係之前嘅防疫措施令我非常卻步，終於等到冇曬防疫措施可以自由飛，真係好耐冇去過香港個機場！🔍香港機場天際走廊估唔到自己嘅第一站先去咗機場嘅新景點，位於24號閘口位旁邊嘅天際走廊！呢個位唔多人，任影，check in 完有時間可以嚟影相，咁啱有飛機路過腳下嘅感覺好得意！ 🔍首爾交通有 T-money card、wow card 會方便啲，唔使次次去買車票。 機場鐵路有兩款，一款係慢車站站停（₩4xxx）一款係快車直達首爾站（₩10xxx）， 我睇過直達車只係快慢車15分鐘，但係就貴一倍，我就決定搭慢車，另外仲有機場巴士，不過價錢貴三倍，而且首爾交通經常塞車，所以我都冇揀呢個，但如果有好多行李的話，機場巴士就唔使托住件行李上上落落。地鐵雖然路線複雜，但係唔難搭，站名好清晰，巴士亦都有每個站嘅提示，上落車拍卡就可以，唔難搭！ 🔍地圖發現到 Google map 唔係太 work，一定要download Naver app，路線交通車費需時非常清楚，不過佢要用韓文或英文 locate 地點，要花D 時間搵好韓文或英文地點名，用Google 見到嘅地址 copy & paste 係唔多掂嘅～🔍夜遊益善洞 Ikseon-dong 韓屋村⭐️⭐️⭐️⭐️本身安排咗去景福宮嗰日去，點知去完燒肉街食燒肉，太飽周圍行吓行吓，發現自己去咗益善洞。呢度有好多特色cafe酒吧，夜遊感覺好舒服。 🔍Mario outlet ⭐️⭐️⭐️係市內最大嘅outlet，有3個館，嗰日落好大雨，室內活動就啱曬，算係幾好行，不過就冇去日本outlet咁大驚喜！🔍景福宮 Gyeongbokgung palace⭐️⭐️⭐️⭐️著韓服可以免費入場，因為同行嘅人唔著，所以我都冇著到！好多遊客都係響光化門附近瘋狂影相，我建議可以行入D，慶會樓到乾清宮嘅位置影相會少人D！ 🔍北村韓屋村 Bukchon Hanok Village⭐️⭐️⭐️其實之前都嚟過，不過去得景福宮點都過嚟行吓，成條街都係遊客，眼見好多人都坐咗響人哋屋企門口食雪糕，講嘢又好大聲，hmm... 唔好咁啦～ 🔍弘大 ⭐️⭐️⭐️⭐️好多小店，有貴有平，平嘅有D似出口店 feel，有D 似行緊以前嘅加連威老道，想休息要去 Cafe 坐，或者可以去 goobne playtown 坐吓涼吓冷氣（睇返李太祖脊骨土豆湯嗰篇介紹），呢度可以行一日！ 🔍小法國村⭐️⭐️⭐️小意大利村⭐️⭐️⭐️南怡島⭐️⭐️⭐️⭐️建議參加 one day tour，有旅遊巴唔使煩交通，不過就要鴨仔團限時限刻～如果4人以上自組一架7人車會flexible D！小法國村同小意大利村大家都估到係假嘢，hea影吓咁啦～南怡島就比較大自然D，樹木打卡位好多，行起嚟都舒服嘅～ 🔍明洞⭐️⭐️之前嚟首爾已經行過，以前嘅我都幾鍾意行！依家感覺太多人，唔係太鍾意！呢度有一座12層高嘅 Daiso，分類清晰好行，可以去吓～🔍廣藏市場 광장시장 Gwangjang Market 大家睇返之前有一篇專講呢度嘅～🔍仁寺洞⭐️⭐️⭐️⭐️今次住嘅酒店揀咗響仁寺洞，雖然價錢會貴過其他地區少少，夜晚8點後大部分店都閂咗門，但感覺比較寧靜一D舒服D~ 今次首爾嘅旅程同之前嚟嘅時候好唔同，今次冇去 supermarket、冇去免稅店、冇咩買藥妝，行程非常鬆散，冇去跑景點，或者，呢個就係我嚟緊嘅慢活旅遊方式～體驗感受 ⭐️⭐️⭐️⭐️🔍首爾，韓國追蹤我的IG：tracyloveliving
