接續上篇慶祝活動，嚟到第二站張保仔號體驗之旅，朋友一早book 咗，其實都唔平，一個人要$270，朝早黃雨，打咗去 Aqualuna問，要黃雨同雷暴都照開船，完全冇其他方案～本身有少少期望，因為架船好靚好適合打卡，明明黃昏都冇落雨，可惜天公不造美😭上船之前落雨，令到佢最有特色嘅紅帆要收起， 打卡指數直線下降！上船嘅時候都幾狼狽，不過船員都算係幾細心，已經準備好雨傘，遮乘客入去室內地方。 戶外嘅櫈係全濕，半戶外嘅都係濕，還好嘅係去到中途冇落雨，船員都抹乾D 櫈，雖然都係坐到條裙濕晒，但至少可以出去享受一下維港嘅景色。呢個行程大約45分鐘包一杯飲品（紅酒、白酒、啤酒、果汁）， 船嘅旅程由尖沙咀出發，再去中環碼頭接另一批乘客，航行到黃埔對出嘅地方掉頭。其實維港嘅景色係靚嘅，如果天清氣朗又揚到紅帆的話，就有更好體驗！體驗感受 ⭐️⭐️⭐️🔍張保仔號體驗之旅，香港追蹤我的IG：tracyloveliving
