放假想有渡假 feel，去咗黃金海岸逛吓，逛完睇吓有咩好食，見到呢間越南餐廳，係上年嚟嘅時候冇嘅，應該係今年先開！行入去就見到一排排色彩鮮豔嘅燈籠，令我諗起之前去會安古城時嘅感覺。 🍴會安烤乳豬（$268）嚟到嘅時候熱辣辣，有一隻叉同埋大較剪自己剪開乳豬， 由於我唔係好識處理，我哋叫咗服務員幫手剪開，剪嘅時候已經聽到豬皮清脆嘅聲音，急不及待夾咗一嚿放入口，豬皮極度香脆，肉好易咬開好入味，唔用是拉差海鮮醬已經好好味，落咗就會更加惹味！配醃菜、新鮮青瓜、香葉同埋生菜，可以自製生菜包，感覺清新，口感豐富又冇咁油膩，個人覺得豬皮要就咁食先夠脆，唔好放入生菜包，呢個係必點！😋 🍴法國鵝肝醬炒大蝦（$288）有5隻大蝦，配6片法包，大蝦肉質爽口，個汁用胭脂鵝肝做，夠濃厚，法包有 grill 過嘅charcoal 痕，好香脆，加埋醬汁食一流！ 🍴烤焗茄子蟹肉沙律（$118）沙律嚟到嘅時候微暖，因為茄子係經過烤焗，煮到好軟身索晒醬汁，上面鋪咗嘅蟹肉冇調味，食到天然海水味，好鮮～加埋馬拉盞同花生，帶有鹹香味，係一款唔會感覺生冷，又好開胃嘅前菜！ 🍴香芒蜜柚椰子雪葩（$72）椰子雪葩有芒果味脆皮包住，外面酸酸甜甜，椰子雪葩輕盈唔太甜又夠椰子味，配埋蜂巢脆糖、新鮮芒果、蜜柚同朱古力脆粒食，一流！ 🍴Affogato（$72）雪糕係蓮花焦糖味，蜂巢脆糖、朱古力脆粒、紅莓粒同越南濃咖啡另上，倒咗脆脆同咖啡之後，視覺效果好靚～ 雪糕好滑相對比較甜，配埋濃郁嘅expresso 一齊食就啱啱好！ 🍴Virgin peach-orange mojito（$60）Menu 上面係 mango orange，服務員講可以揀轉 peach，正呀，最鍾意飲桃味嘅飲品，開心！🍴Lime Soda（$43） 餐廳空間感十足，裝飾彷彿令我置身會安古城，服務員態度親切又細心，成餐飯食得 relax 又開心，唔怪得weekday 夜晚都坐滿客人！體驗感受 ⭐️⭐️⭐️⭐️🔍Bistro Hoi An，黃金海岸，香港追蹤我的IG：tracyloveliving
