好多旅遊節目都有介紹，去首爾一定要去食排骨薯仔湯，網上睇到間間都係排隊店，我諗辦法避開人群，既然去弘大行街，不如唔食早餐，早少少去先食個brunch，我11點左右到，發現呢個做法係可行，去到嘅時候唔係好多客人，我哋走嘅時候接近lunchtime就多人啦！🍴脊骨土豆湯 - 中（₩36,000）阿豬媽捧住一整座排骨山放響檯面，視覺效果都幾震撼，上面應該係鋪咗紫蘇籽粉，有啲菜乾同埋好多排骨，影完相之後，就推冧咗排骨山，等佢慢慢滾起。排骨非常入味，好容易骨肉分離，亦都可以吮埋骨入面嘅骨髓，反而唔係好多薯仔，我自己覺得要叫一個飯，用埋個湯汁撈飯真係一流！ 另外有一個小秘技，有時響店入面會見到有自助水機，隔離會有一部咖啡機，原來呢啲咖啡係免費嘅，可以自助㩒嚟飲！ 同場加影：1） 弘大有一座 Goobne Playtown，地下賣雞，1/F 可以食雞，有時候會有live music 亦都有免費嘅 board game 任玩，2/F 有mirror room 同預設場景打卡影相，3/F 有exhibition 睇，唔需要食雞都可以入去任玩，如果行到熱熱哋，可以入去涼冷氣打下卡 hea下！點擊圖片放大 +2 2） 會化妝嘅女士可以去 Revoir （弘大自由市場附近）買custom brush，你諗到嘅任何類型化妝掃都可以響度搵到，有唔同種類嘅毛同埋柄可以揀，最重要係佢可以免費即時幫你刻名，有個人化嘅一套化妝掃！ 體驗感受 ⭐️⭐️⭐️⭐️🔍이대조뼈다귀 Idaejo Pork-on-the-bone 李太祖脊骨土豆湯，韓國首爾追蹤我的IG：tracyloveliving
