好味指數😋😋😋😋😋回頭指數⭐️⭐️⭐️⭐️開心指數🤗🤗🤗🤗試下呢間小店嘅外賣，本身想試佢嘅burger，不過見到佢Set lunch 冇... 就響佢set lunch menu 入面揀... 落單後大概10分鐘左右就有！呢間嘅外賣係主要用紙盒，仲要係木餐具，環保意識都唔錯！另外外賣沒有額外收盒錢！ 整體上好好味，睇得出係有heart 小店！食完好開心滿足！可以encore 嘅店！🍴煙鴨胸蜜桃三文治配田園沙津和薯條（$58）心中諗嘅三文治係麵包，打開見到係質感有D似法包嘅大麵包，都幾大份，麵包係焗熱咗，外脆內軟！用料足，煙鴨胸同蜜桃味好夾，餐牌上寫係配芝麻菜，實際上係配羽衣甘藍，兩種我都okay，不過我估芝麻菜會仲香！泰式辣醬都好出色，好香又少少辣，同所有配料都好夾，好味！ 打開另一盒係田園沙津和薯條，呢間小店好細心，用紙分隔開沙津同薯條，唔使用多個盒又可以分隔到兩樣嘢，讚👍🏼沙津有羽衣甘藍、西瓜、哈密瓜、提子，個汁係陳醋汁，陳醋汁好竭，唔稀，一食就知唔係新醋而係陳醋，味道好順喉，唔嗱喉，正！薯條係厚切薯仔，炸得外脆內軟，好味！ 🍴餐湯 + 蒜蓉包（跟餐）餐湯我估係忌廉薯仔湯（我估下ga ja)，我食到有少少嘅粒粒薯仔蓉，都幾夠味，唔太稀，飲完都有2成飽！蒜蓉包用紙包住，微熱，落得夠蒜蓉牛油，好香，又好脆身！ 🍴凍咖啡（跟餐）咖啡味okay, 正常🔍Total B荃灣享成街8號地下A號舖
