依家香港有廉航直飛越南峴港,幾百蚊至千幾蚊就可以起行,去4日3夜食下hea下都幾爽!咁大家有咩事前準備呢? 越南簽證,網上已經好容易搵到資料詳情,落地簽證比起去駐香港領事館預先簽證平一半有多,唯一想講嘅係,一定要申請private visa approval letter,因為approval letter 中包含了咗姓名、姓別、出生日期、國藉及證件號碼,如果唔俾多少少錢申請private letter,你嘅個人資料就會同其他一齊審批嘅人放響同一封信上,所以建議同行家人或朋友自己申請一封信,咁就唔會有個人資料外泄嘅問題。 另外亦都建議去越南前download "Grab" App,呢個係好似Uber嘅call 車系統,因為要認證碼,所以離港前處理好就唔使去到先煩收唔到驗證碼,到埗等緊簽證就可以即刻用。呢個App 嘅好處係明碼實價,叫車前已經知道價錢,唔會驚俾人亂叫價,亦可以現金付款,基本上4人車有好多,幾分鐘就有車,7人車會少D,就算去會安都可以就咁叫Grab。 順帶一提,去機場那程係有額外VND 10,000 收費。 最後係一定要換美金!港幣去到係換唔到越南幣㗎!