上年已經聽朋友講呢度嘅lunch 抵食又好味，一直都冇機會試，剛好去完粉嶺郊遊，就去試下! 星期日黃昏6點幾到達，門口已經有10幾人等位，幸運係前面冇人等二人枱，所以大約15分鐘已經可以入坐。直到8點幾仍然持續有人等位! 呢間餐廳幾平民化，阿姐好健談，會叫你睇定食咩，差不多到你號碼時可以叫定先，因為可能好快就賣光，同埋上堂速度唔算好快，始終係即整，肚餓嘅要叫定先；另外，我都見到有一家大細，同埋60 / 70 歲的公公婆婆，一齊食家庭飯。 晚餐有「肥天推界」和「阿周推界」，唔知道「肥天」和「阿周」係口咪兩個廚師呢？「肥天推界」係各種肉類，「阿周推界」係意粉和飯類，兩種都跟餐包餐湯或飲品。 餐湯係甘荀忌廉湯，味道一般，唔太濃，唔夠熱；蒜蓉香草法包，okay! 美國牛肩扒 ($108) 7成熟配意粉，好大件，好厚身，應該係大約6成熟，比起預期嘅生少少，不過都可以，肉質淋有肉汁，好味! 誠意推界佢個意粉，因為佢好有誠意，唔係白烚，係加忌廉、芝士和香草，好好味! 食食下仲聽到阿姐同其中一枱，三個似大學生嘅男仔講：「細佬，識食梗係食意粉，白飯你屋企都有得食啦!」佢又講得好啱wor! 西班牙香烤豬仔脾 ($88)配薯角，有三件，肉質鬆軟，不過唔離骨，所以食嘅時候唔太易處理，個汁係好好好味，好濃郁帶少少酸味，好開胃野味，因為配嘅沙律菜係冇汁的，我最後用呢個汁去食，都好好味! 除非好晏先開始食，唔係食完都唔使諗住慢慢吹水坐下，見到仲有人等位都唔好意思，埋單 $198 冇加一服務費，每人$100 有找! 推界! 鈞壹居 大埔南盛街19-23號南盛閣4號舖
