出院到今日剛好一星期，開始習慣屋企多左個不定時鬧鐘，開始多返Ｄ自己時間，可以繼續寫返少少長Ｄ既ＢＬＯＧ。之前記錄返入院同生產過程上半ＰＡＲＴ，第１胎比較多野寫，今次下半ＰＡＲＴ主要講臍帶血儲存，留院經歷到出院。 臍帶血儲存，成個過程因為我其實無直接見到，只係大約聽住護士形容點樣做；先剪臍帶，夾好同消毒剪口，再在連住胎盤嗰邊的臍帶尾抽血，好似平時抽血咁抽幾分鐘，直至抽到臍帶變成白色就完。我本身已登記左Cordlife康盛人生，之後Cordlife那邊就會有人來收血袋，當然要打去比Cordlife那邊通知我已經生左啦。然後Ｄ血到左Cordlife，會先好快咁送去ＬＡＢ驗一驗有無問題，通常都無乜問題就可以拎去下一步處理同儲存２１年。（唔好彩Ｄ血有問題儲唔到就會根據合約１００％ ＦＵＬＬ ＲＥＦＵＮＤ。）點擊圖片放大 聽護士講，近呢幾年生第１胎既媽媽好多都會儲埋臍帶血，更有唔少媽媽係因為一定要儲臍帶血而特登由公院轉去私院生，因為大家都開始明呢個機會真係一生一次，同百日宴、揀陪月、揀學校一樣。我自己對待臍帶血儲存就好似對待買醫療同危疾保一樣，而且未來既醫學發展有無限可能，到左１０年８年後臍帶血醫到既病可能已經唔只百幾種，當然我唔希望曦曦會用得著，但唔儲的確係對唔住自己同曦曦。所以我係建議大家都幫ＢＢ儲，尤其係本身就打算去私院生，根本一Ｄ都唔複雜，一個月$100都不用，甚至比買保險划算。臍帶血部分大家有咩問題歡迎下面留ＣＭ。住院方面，私家要住多日，即前後４日，無論我定係曦曦，醫生都ＣＨＥＣＫ得好詳細先放我哋出院。好彩同房係另一個純正港媽，聽講係醫院既安排，盡量想同房都有差唔多背景。（你明啦。）一日三餐的確係唔錯既，仁安不嬲出名酒店級膳食，係屋企人同朋友上來睇我哋有少少遠，辛苦大家喇。價錢就私院入門價啦，ｐａｃｋａｇｅ之前介紹過。而家諗返起，嗰３既好可能最放鬆最好訓既幾晚，起碼由出院到今日，我都幾乎未連續訓超過２個鐘。加油。
