系太子上完堂想放鬆下,同男人出街食餐飯,但上完堂已經10pm,所以專登揀D開得夜既餐廳(其實大部分選擇都係淨返bar類餐廳),見到LAVA Bar & Restaurant既野食同環境幾吸引,而且價錢可以接受,就去左試下啦! 先講下環境,見餐廳係屬於bar式,但係比一般bar光D,格調都偏向一間正常高級餐廳,如果唔太好「落bar」既話,其實都係一個唔錯既選擇!每張檯都有點蠟燭,牆上兩邊各一部電視播MV,氣氛唔錯。 我同男人間唔時有選擇困難症,望餐牌既時候店員走過黎比D推介我地,包括secret menu既翡翠螺同埋menu上好多人鍾意食既大蜆意粉,另外再推介我地食spare ribs。我地就直接聽熱情既店員既建議啦。除此之外,我地都見到手工啤酒menu d選擇幾有趣,就叫左支荔枝味啤酒飲。支酒入口清香,先飲到香濃既麥味,之後再慢慢滲入荔枝香,最後仲有甜甜既aftertaste,唔太好啤酒既我都覺得值得推介! 首先黎既翡翠螺下面全部都係鹽,食既時候會沾到少少,鹹鹹地加上有少許橙味既醬帶出果種鮮味恰到好處,連極度怕腥既我都覺得完全可以接受!男人仲覺得好可惜依道菜系secret menu入面,未必個個都食到呀! 跟住黎既係大蜆意粉,明顯食得出蒜汁同檸檬汁味,依個配搭對我黎講耳目一新,因為我週不時出街都會食意粉,但好似黎黎去去都係果D味,今次間餐廳既意粉仲要比果D餐廳貴(當然餐廳原本都唔同level),但試過就覺得絕對值得!份量足同入口清新,食完又唔會成個口都係「大蒜」味,我個人非常鍾意!不過對於超級怕酸既男人黎講略嫌有D酸。 最後黎既spare ribs口感極佳,雖然我好怕肥膏(女人嘛,你懂的),但夾住D肉入口又唔錯,而且牛既texture要處理得好好考功夫,我地完全食得出廚師既用心。個醬汁都好好味,唔會好滯。由於之前兩道菜既份量都好足,依個牛既份量對我地黎講都算大,所以最後食唔曬都忍唔住打包返屋企。由於牛要返煮好容易出事,通常都好大機會煮得太韌,好彩因為個spare ribs都多肥油部份(唔係貶義,係香同入口正既),返屋企稍微煎一煎出左少少油都仍然好食,簡直大滿足! 不得不讚既係差唔多全間餐廳既職員行過都會同我地傾下計,問下好唔好食,輕輕帶過幾句既friendly又唔會好煩,今時今日依種同顧客拉近關係,令大家enjoy用餐既服務態度系高級餐廳越黎越常見,男人大讚。另外由於我地share一支啤酒飲,店員都主動斟返杯暖水比我地,唔會得一支野飲咁寡,而且仲要係暖水,絕對係窩心既舉動。 LAVA Bar & Restaurant: 太子通菜街230號地下 G/F, 230 Tung Choi Street, Prince Edward 港鐵太子站 A 出口, 步行約3分鐘 FB Page: 翠絲-Be A Better Me