西沙茶座是食Thai Food的，其實我個喉嚨今日曾經痛得好厲害，不過都係食埋先算。 西沙茶座環境好，好有情調，有一股浪漫的氣氛，我們選擇了有冷氣的地方，其實有我們一望出去就是無冷氣的，周圍都有小燈燈照住，每一桌上都有小小燭光，靚靚的環境，心情也靚靚起來。 一座下就有這個前菜，炸花生、粉絲、魚仔，都係好熱氣的，食左少少咁啦~ 我地叫左咖哩串燒，牛、雞、豬各兩串，那碟咖哩汁係最正的，一定要點汁來食先夠正，好香的咖哩，不太辣。 這個是蝦子炒飯，好食就好食，蝦又好新鮮又多，只是份量略為細了少少。 哩個係我地今日0既主角，燒香蒜大頭蝦，未食那個蒜味已經聞到好香好香，而且好大燒烤味，食落去就當然"啖啖肉"，超正!!! 中間的配汁我只係用叉試一試，超級辣 ，要即刻飲水tim呀~ 所以都無點來食，只要大家唔怕蒜味就得啦~ 食完成晚成個口都係蒜味，但就真係好好食，個價錢當然地都好好睇啦，就咁哩兩隻大頭蝦都成$180，貴就貴，但最重要係好食，食得開心。 仲有呀，佢地日日7:00-11:00pm都有兩個菲律賓人在彈結他，他們會走去每一台問你有無歌想聽，我地當然都有點唱啦~ "What a Wonderful World"，佢地彈得好好聽，唱又唱得好wor，Good 呀~ 牛牛評分: (10個滿分)店舖地址: 西貢西沙路十四鄉泥涌村10號C
