Lunch 一行 6 人搭左程Van去太古，食板長壽司，上個星期五食 1 點，太多人，食唔到，今個星期食12點，終於唔駛等位都食到啦!!! 佢係一件件咁叫的，唔係一碟碟叫架，幾好喎，可以食多點唔同的壽司。先來一個珍寶帆立貝壽司，超大舊，超甜又好味 ，仲有後面的北寄貝壽司同埋蟹棒壽司，不過我就無食!! 再來甜蝦壽司，真係甜架! 我地仲叫左 個set lunch，刺身飯，2 個人share 一碗，仲有三文魚湯，個 d 三文魚子在口內爆，感覺好得意 。仲有叫左炸軟殼蟹兩碟，炸墨魚咀，佢地就一個二個饑得制就食左啦，影唔到相比你地睇，不過唔緊要啦，個軟殼蟹就麻麻地，墨魚咀都OK，少左一點囉，一人一舊都無晒啦!! 海鰻壽司，好好味，無骨架，Yummy!!! 由於無三文魚腩壽司，只好叫三文魚壽司頂替，再一人加多一件帆立貝壽司，珍寶0既就好食好多，不過價錢又相對會貴一點。 佢地叫左海膽壽司、三文魚子壽司，我一向怕苦，所以無叫，但我都試少少海膽，又幾好味喎~ 今次係我第一次食象拔蚌壽司，彈牙的，食到有chop chop聲，感覺一般啦~!! 最後試食左個Cheese Cake，唔好睇以前好大個，其實細細個的，大約得6cm左右啦~! 好似食cream咁，唔夠實，唔多得。但總括來講，係好食，呢間第日一定會再幫襯。食到超飽，每人$138，我第一次食咁貴的午餐，難忘!! 牛牛評分: (10個滿分）店舖地址: 鰂魚涌康怡廣場南座吉之島地下G/FL017A舖
