同舊公司同事去食生日飯,我地叫左個滋保清湯,鴛鴦鍋驚會好辣,所以無叫到~ 叫左肥牛 x 2,一塊塊咁捲起,好靚啊!! 食落去更係係一流,我好少讚肥牛的,因為我一向都係麻麻地鍾意食,但係哩碟真係 ---- 正爆 哩碟係送0既,羊呀!!! 小肥羊,一定要有羊,但我唔食,因為怕左個陣"蘇味"...咁大碟,到最後梗係有剩半碟呀!!! 叫其他的東西,有炸魚皮、魚腐、墨魚滑、魚皮餃、金茹、冬茹、粟米、蝦、生根、蟹柳、牛骨髓、黑豚肉、生菜、鮮雞肉、酒醉雞翼etc.... 仲有我的至愛"蛋蛋".... 我一叫,佢地話高膽固醇,得我食. 我細細個成日食,宜家阿媽都無買,所以出街有得食,梗係食啦~~~ 我地9點左右都走人啦!!! 肥羊,初初係幾好味,後來.... 愈食愈咸,加左湯都係咸,好似感覺多味精咁,總括來說,不過不失啦!~~~ 如果個湯改善番無咁咸,咁就好好啦~ 牛牛評分: (10個滿分)店舖地址: 尖沙咀金巴利道26號1樓