今天同家人一起到鯉魚門食海鮮,搭地鐵去到油塘站,再搭的士去鯉魚門海鮮街,大家可以行過去都得,都係15-20分鐘,因為我們有老人家一起才搭的士! 這裡很有漁村風味啊!!! 我們由街頭行到街尾尾,見到南大門這間不錯,就入座。那裡有個全海景的大廳,有落地玻璃,向正港島東區&九龍半島,如果早一點來,可以看到日落架!!! 個view真係一流,可以好relax 咁享受個晚餐。 來到這裡,當然食番夠本先啦~!!! 先來六隻清蒸鮑魚,貴係貴一點,但真係好好味,又唔會好 'un',婆婆切開都食到,婆婆都大讚好 椒鹽焗鮮魷,唔知點解佢比晒d 魷魚鬚比我地?! 但係好味呀! 成碟,我食得最多,可能食左半碟都有,哈哈~ 疆蔥炒蟹,一大隻肉蟹,好多肉架,就連蟹腳都仲有肉。 鼓椒炒蜆,煮就煮得好味,但係就最唔抵食,因為好多隻都係空殼來的,可惡 我地仲有叫海鮮炒飯 、蒜蓉炒生菜 & 蝦 (例牌),因為食緊野,對手dirty,所以無影到 仲有糖水送,南瓜來的,好甜呀!! 整整一大餐,盛惠$900大元。南大門,不錯啊! 其實大家都可以自己在出面漁檔買鍾意食的海鮮,再入去比佢地煮,任你點煮都得,收費就每人$90,這間真係不錯的選擇,Yummy ~!!! 牛牛評分: (10個滿分)店舖地址: 鯉魚門海傍道中58A地下