行開街街,又熱,見到有公和,見一個客都無,岩晒,我同友人入去包左個場。個老闆話我地兩個真係合時,早少少來都食唔到,因為都係岩岩整好咋 我地真係Lucky。 舖仔細細,得我地兩個人係度食。影下個老闆娘個背影先,呵呵!! 原本叫一碗,佢比左兩碗,無所謂啦!! 叫埋友人食,豆腐花出奇的滑呀!! 我好耐都未食過咁滑嘟嘟的豆腐花,仲滑過0者喱啊~!!! 讚 加黃糖,真係好正,好好味!!! 一碗都係$6,出面好多都要 $8-10 碗。 其實仲有好多小食,不過對於我地來說,一碗又滑又有豆味的豆腐花已經足夠。 牛牛評分: (10個滿分)店舖地址: 深水步青山道62號B地下(北河街)