尖沙咀不停的遊走,食店眼花繚亂日日諗食咩真係好困擾,厚福街一條短短的街兩邊都係食店,行過見到午餐火鍋一人套餐?一間我知道了很久但一次都沒有去過的火鍋店,就行上去睇下係咩來。 上到去好多枱都坐滿人,見到人人自己一個爐一個鍋好似好正。我3個人有一張卡位坐,但當然如果1,2個人就要同其他人搭枱,店員給了一張紙筆,點餐就用這張紙。睇下先有好多項目選擇,再睇下價錢 $48 我有無睇錯?$48不用加1再包飲品,又真係掋食喎,同大家一齊快啲睇下有咩選擇 都算有好多選擇,一人一個鍋選好湯底,配料可以有3種,再選好粉麵飯同飲品,快快交表先。 這個是番茄湯 上鍋都好快手,因為材料係新鮮未煮熟的,所以來到要等滾熟先食得都要啲時間㗎,如果好趕住食午餐就唔好去呀,說時遲那時快熟左,感覺真係好滿足,食品正常,份量都覺夠當然每人食量都唔同,我自己食完再加杯飲品就好飽了,如果一個麵唔夠店家都有加底服務,一款加$12 唔夠食的朋友仔可以試下加底分量,以$48這個價錢絕對係可以再來。 我自己叫了台灣麻辣鍋,個湯底就真係一點都唔麻辣,所以有小小失望,因為本人都幾食辣的。麻辣湯都重口味食緊途中都想不停飲飲品,沙茶牛肉味道都ok ,我家小寶叫番茄湯底,有蕃茄味的越滾當然越濃,,不過煮麵時要小心(癡底) ,當然我家小朋友係無可能食得哂。所以我又試下佢地的味道囉,呵呵! 這個是麻辣鍋 總括來講係會再來的食店!食完今次真係有令到我想試下佢地的晚市火鍋,但因為係人頭計收費,我家小朋友就食得唔多,所以都係要等同朋友先來到啦!大家在尖沙咀如果有一個充足時間午餐可以多個選擇啦! 尖沙咀厚福街101 手工唰唰鍋 Email:topimagemi@gmail.com Instagram :mi.cmi *文章味道只是個人味感,不代表店家或其他人~