近日突然心血來潮想食拉麵，所以去咗幾次Ramen Champion。 去到先知，原來間沾麵又改咗經營者，依家叫「八盛屋」。係咪真係生意唔好就立即要執包袱呢？不過睇返OR，上手的「大勝軒 Taishoken」的評價麻麻，但實在只係經營咗好短時間，無機會試，唯有留返下一次去日本食。 講返今次呢間「八盛屋」，都係賣沾麵的。 麵OK彈牙，有咬口。叉燒感覺上肥咗少少，由於沾麵的湯汁都係濃，食落很油膩的感覺。筍的味道有點怪，又不能去除油膩的感覺，與整個麵的感覺唔MATCH。 湯汁很濃、很香，內有少許肉碎。另一個奇怪點係明明湯很濃，但麵不太掛汁，不知是麵還是湯的問題。望高人指教。 最後順便多點了煎餃，日日常常，不失望但沒驚喜。 八盛屋除了賣拉麵以外，還開始賣飯。老實講我接受唔到。Ramen Champion內其他店也有此安排，我沒有勇氣去試，期待其他人的食評。
