談起「炸咖哩包」，第一時間想起日本。 在日劇和動漫之中久不久也會見到，當年一有機會去到日本，便走到街上找尋這一個包。 在日本，大部份麵包店也有供應的，大部份香氣十足，炸包又香口，甜辣比例和餡料多少，就各店有異。路過見到時，會被香氣吸引，多飽也想食一個。 近年香港也有部份麵包店也有提供，但大多數都唔好食，炸包多油、凍冰冰、太少餡料...... 實在令人失望。 早幾日在日式漢堡店 Mos Burger 見到新推出了《黃金咖喱包》，食完個餐忍唔住多叫一個。 這個咖哩包，我個人覺得比日本某些麵包店更好味。食過一次更令人難忘，推出至今只是數天，已經食了好幾次，在屯門食到旺角再返去北角。 餡料份量恰到好處，外脆內軟。甜辣的平衡做得很好，辣的香會在口中停留一段短時間。餡的牛肉和洋蔥味也能於咖喱中突出，薯仔讓餡變得厚實，更有份量；返到屋企睇返FB介紹先知原來餡入面還有蕃茄和紅蘿蔔，這應是甜味來源之一。 $14 一個，買多幾個會平少少，可以外帶跟家人、朋友、同事分享。 原來下午茶有得加飲品變餐。 因為即叫即炸，所以要等一等，時間同叫個漢堡等佢送餐差唔多，午飯繁忙時間(12:00 - 2:00pm)不供應，好似唔係間間分店都有。
