作為火煱的愛好者，我大約一個月都會幫襯牛陣一次，通常都係去尖沙咀I Square 店，有時候會去厚福街H8。 昨天去到，見到有新嘢「澳洲長期穀飼牛」，都不過係$178一位。 依據店方的介紹，牛來自澳洲的Naruo牧場，選用黑毛安格斯牛，在最適當的環境以300日長期穀物飼養。飼料由是牧場自家種、自家製；牧場自己種的大麥、小麥和玉米，確保無農藥殘留，環境水源也是安全的。此外，讓牛時並沒有使用成長激素。 睇咗介紹後，覺得花咁多心機去養的牛，應該會好食，價錢同普通牛差唔多，所以決定一試。 牛肉的肥瘦比例適中，脂肪都混在牛肉中間。輕輕淥一淥，肉汁依然停在肉入面。食過後，簡單一句評語：「牛味十足」。比起平時食的，甚至係和牛，佢的牛味都比較濃。柔軟度都算好好，但就比不上貴一倍以上的和牛。呢種牛，如果用黎做牛排，應該會超好食。 我個人覺得，要食出牛的美味，其實只需要選普通的清湯。 雖然我很愛食，但咁耐以黎都無寫呢間的食評，係因為我一向都係叫比較普通的牛，無乜特別好好食。百幾蚊，任食任飲，仲有雪糕，係我一來再來的原因。 一路以來人都好多，要攞飛等位，真係唔係次次都等得到。但剛剛這一次，明明係公眾假期，但晚市竟然唔洗等！正！（我入咗去之後，發現都係滿客的。）可能是因為樓下開咗間差唔多的新店吧！
