English recipe:https://tonykarenkitchen.blogspot.com/2021/02/dim-sum-steam-beancurd-beef-balls.htmlVideo: https://youtu.be/oR33GCY8n7Y見到這個山竹牛肉球，其實我很有感觸😢，我很幸運10年前能遇上Billy 師傅，他的無私教導，令我學會分享心得的樂趣🥳️，令我堅持不求回報地分享每一個食譜（我真係超級感激Billy師傅🙇）這個點心，可以看似平平無奇🤔，但做法卻大有文章，如果大家做過肉丸（湯麵一粒粒過隻）的話，個做法應該唔會嚇到你😬，但你未做過，攪拌牛肉過程，真係好容易攪拌到自己懷疑人生🥴️牛肉球精髓🧐，在於你有沒有將牛肉好好按壓，完全破壞它肉質的纖維，即係你食牛丸，你唔會食到個肉嘅纖維，有粒粒肉咁樣，只會覺得有牛肉味，彈牙😌所以人手做，非常費時，如果用廚師機去做，就會簡單100倍，由得廚師機攪拌，你去上網一陣📺，15分鐘返來就做完，乾手淨腳😁梘水是非常重要，沒有它就失去酒樓的風味，沒有鹼水唔怕，我下面個食譜有寫，跟住做就得，唔難😎最後個醬汁，好多人以為喼汁咪得囉，咁就錯晒啦😌，因為喼汁太辛辣，唔似酒樓味道，跟我做個醬汁啦，味道最貼近酒樓風味😋😋材料[可做16－20球] [按下圖片放大] tsp 標準茶匙 ／ tbsp 標準湯匙500g 免治牛肉（半肥）150g 免治豬肉 （肥）2 張急凍鮮腐竹（剪成小塊） [fig 1]Group A1 tsp 海鹽1 tsp 胡椒粉1 tsp 梳打粉 [fig2]1 tsp 梘水 [fig3]* 自製鹼水：10g 梳打粉，用焗爐200°C ／390°F 焗15分鐘，加入30g水攪勻，放入玻璃瓶室溫保存 （注意：我沒有試過做）Group B2 tsp 雞粉 [fig4]2 tbsp 糖1 tbsp 生抽 [fig5]150 ml 水Group C100 ml 水100g 泰國生粉 [fig6] （不建議用粟粉，黏性不夠）Group D3 tsp 麻油3 tsp 油80g 馬蹄，切粒40g (2 湯匙） 芫茜粒40g (2 湯匙） 蔥粒5g (1/2 茶匙）果皮醬汁1 tsp 喼汁 [fig7]2 tsp 鎮江醋 [fig8]做法[詳細步驟請看短片]Video: https://youtu.be/oR33GCY8n7Y1 牛肉+豬肉 + Group A 調味料混合，按壓至起膠（起筋性黏性）2 加入Group B 調味料攪拌至完全順滑混合成形（需要10－15分鐘）3 逐少加入Group C，一面攪拌至肉醬吸晒所有水份成形4 加入Group D 攪拌好，放入雪櫃雪至少6個小時5 平均分開成16－20個小丸子6 鮮腐竹放入鑊，中火將油燒熱，轉慢火炸30秒至1分鐘，浸入凍水，瀝乾後剪碎7 碟上鋪上腐竹+牛肉球，大火蒸15分鐘即可注意1 Group C 加入時要留意牛肉能否再吸水，不要一次過加，若不能成形就要加多點泰國生粉2 牛肉球做好，可以先蒸少量試味3 做好的牛肉球可以放入冰格儲存3個月，吃時不需解凍，直接蒸20分鐘
